28-æм апрелæй Дзæуджыхъæу æмæ Казаны 'хсæн фæзындзæн уæлдæфон бастдзинад

28-æм апрелæй Дзæуджыхъæуæй Казанмæ фæзындзæн комкоммæ авиарейс. Уæлдæфон наутæ тæхдзысты къуыри æртæ хатты - дыццæджы, майрæмбоны æмæ хуыцаубоны. Туризмы комитет турагентты базонгæ кодта нæ республикæимæ. Комитеты сæрдары хæдивæг Тебиаты Мæдинæ видеобастдзинады фæрцы радзырдта нæ регионы сæйраг туристон балцвæдты тыххæй. Базонгæ кодта историон æмæ æрдзон фидауцтимæ.