Æгæрон курдиат

Ирон театры сценæмæ æртæ боны цы адæм цыдысты, уыдон аивад уарзынц æмæ йын хъæугæ аргъ кæнынц. Кафт, зард æмæ хъæлдзæг зæрдæйы ахаст алкæмæ дæр кæй уыд, ууыл дызæрдыг ничи кодта. Уымæн æмæ сценжйыл тæмæн калдта кафты дæсны Кокайты Алан. Æрыгон артист адæмæн йæ курдиат нæ бавгъау кодта. Ирон театры сценæ æртæ боны адæмы æмдзæгъдæй гуыр-гуыр кæны. Æрыгон, цъæхцæст æмæ курдиатджын лæппу ирон театры равдыста зарæг æмæ кафт æнæ кæрæдзийæ кæй нæ фидауынц, уый. Аив скъуыддзæгтæ, этюдттæ æмæ кафджыты къорд «Чысыл джигит»-ы цырд кыфджытæ та Аланы разамындæй равдыстой ног концертон номыртæ. Концертон программæ саив кодтой Мæскуы æмæ Чебоксары артисттæ. Сæ курдиат нæ бавгъау кодтой Алан Гитисы кæимæ ахуыр кодта æмæ кæимæ балымæн, уыцы æмбæлттæ дæр. Роман Сарнацкий у актер. Цæгат Ирыстонмæ фыццаг хатт ссыд. Нæ æрдзы æмæ архитектурæйы рæсугъддзинадæй æмæ адæмы хæлардзинадæй дисы бацыд. Концерт йæ зæрдæмæ тынг арф айста. Куыд зæгъы, афтæмæй, æнæмæнг, рспубликæмæ ногæй `рцæудзæн. Спектакльты хæрз æрыгон архайджытæ. «Чысыл джигит»-ы сабитæ сæ рольтæ афтæ дзæбæх ахъазыдысты, æмæ адæм дис кодтой, хуыдтой цæттæ актертæ. Чи цæ кафгæ кодта, чи та спектакль «Урок»-ы бацархайдта. Фæлæ æппæты сæйрагдæр уый у, æмæ æрбацæуджытæ спектакль банкъардтой æмæ сæ сурæттæм куыд æмбæлы, афтæ сарæзтой. Æвæццæгæн, адæймаг цæмæдæр тынг куы тырна, уæд æм, æнæмæнг, бахæццæ вæййы. Аланы курдиат æгæрон кæй у, уый рагæй сбæлвырд ис. Залы уæгъд бынат нæ уыд. Адæм ма лæугæ дæр кодтой. Уый та артистæн бирæ цæуыл дзурæг вæййы. Концерты ма уыд æхсызгон цау дæр — Битарты Вячеславы уынаффæмæ гæсгæ Кокайты Аланæн саккаг кодтой Цæгат Ирыстоны сгуыхт артисты ном. Алан йæ, уæвгæ, зонгæ дæр нæ кодта æмæ йæ дисы æмæ æхсызгоны æнкъарæнтæ бамбæхсын йæ бон нæ баци. Адæм та йыл зæрдиагæй бацин кодтой, сæ къухæмдзæгъдæн кæрон нæ уыд. Уымæн æмæ уарзон артисты æнтыстдзинæдтæ йæ аивадуарзджытæн дывæр циндзинад хæссынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv