Владимир Путин сразы ис 30-æм октябрæй 7-æм ноябрмæ нæ бæстæйы æнæкусгæ бонтӕ снысан кӕныныл

Владимир Путин сразы ис 30-æм октябрæй 7-æм ноябрмæ нæ бæстæйы æнæкусгæ бонтӕ снысан кӕныныл. Президент куыд фæбӕлвырд кодта, афтæмæй уыцы рæстæг цæрджытæн сæ мызд хъуамæ раздӕрау фыст цæуа. Уыимæ ма, регионтæн бар раттын уæлæмхасæн æнæкусгæ бонтæ снысан кӕнынӕн коронавирусы ныхмæ тох кæнынмӕ. Нæ бæстæйы сæргълæууæг ма расидт регионтæм, уавæрмæ гæсгæ æнæкусгæ бонтæ нымайын 23-æм октябрæй. Цæгат Ирыстоны коронавирусы аххосæй чи мæлы, уыдоны нымæц кӕй рӕзы, уый у зæрдæхсаинаг. Нæ республикæ иннӕ 17 регионимæ бахауд сæрмагонд хыгъдмæ. Уыцы субъектты ковидимæ баст бæрæггæнæнтæ хорзыл банымайæн нæй. Ковид-рынчынтæ æмæ, йæ аххосæй чи амæлы, уыцы адæмы нымæц рæзы Курскы æмæ Оренбургы облæстты, Коми, Татарстан æмæ Цæгат Ирыстоны республикæты. Æрвылбон вирус кæмæ рабæрæг вæййы, уыдоны нымæц суткæмæ Уæрæсейы схæццæ 35 мин адæймагмæ ввахс. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv