Цæгат Ирыстоны Мидхъуыддæгты министрады музейы уыд мысæн изæр

Фыдыбæстæйы хъæбатыртæн кад кæнгæйæ, абон мысæн изæр арæзт æрцыд Цæгат Ирыстоны Мидхъуыддæгты министрады музейы. Кадджын мадзалы уазджытæ ссардтой, бæстæйы сæрвæлтау йæ цард чи радта, уыцы хъæбатырты нæмттæ. Советон Цæдисы æппæт цæрджыты бæрцимæ баргæйæ, нæ республикæ Фыдыбæстæйы Стыр хæсты хъæбатырты нымæцмæ гæсгæ ахста фыццаг бынат. Уый дзурæг у не ’мзæххонты хъæбатырдзинадыл. Сæ кад æмæ намысæй æрыгон фæлтæрæн сты дæнцæгæн хæссинаг. Мидхъуыддæгты министрады музейы бæрæгбон сси æрвылазон. Уæрæсейы гвардийы управленийы минæвар кадджын уазджыты схорзæх кодта арфæйы гæххæттытæй. Се ’хсæн Уæрæсейы хъæбатыртæ Валерий Куков æмæ Гасан Раджап-оглы Наджафовæн. Уазджыты ’хсæн уыдысты салдæтты мадæлты комитеты сæрдар Татьяна Днепровская, паддзахадон автоинспекцийы кусджытæ æмæ министрады ветерантæ. Мадзалы архайдтой мидхъуыддæгты ветеранты цæдисы сæрдар Петр Сазыкин æмæ прогимназ «Эрудит» -ы ахуырдзаутæ. Мадзалы кæронбæттæн архайджытæн бацæттæ кодтой цымыдисаг концертон программæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv