Дзæуджыхъæуы политехникон училищæйы фæзынд студенттæй арæзт электрикты бригадæ

Дзæуджыхъæуы политехникон училищæйы фæзынд студенттæй арæзт электрикты бригадæ. Сæрмагонд къорды ис 15 ахуырдзауы. Сты «Техникон эксплуатаци, электрон æмæ электромеханикон кусæнгарзмæ цæстдард» -ы факультеты студенттæ.  Бригадæйæн разамынд дæттынц фæлтæрдджын специалисттæ. Æрыгон студенттæ, се ’хсæн ма рауагъдонтæ дæр, кæнынц электрикæимæ баст профессионалон куыстытæ. Сæ зонындзинæдтæй, фыцаджыдæр, спайда кодтой сæ техникумы. Аккæлаты Тимур æнцонтæй арæхсы электрон кусæнгæрзтæй архайыныл. Ахуыр кæны Дзæуджыхъæуы политехникон техникумы. Ахуыргæнæндон сифтонг кодтой сæрмагонд агъуыст. Уым Тимур сæбырд кодта "реверс". Ахæм кусæнгарзы руаджы куысын кæнæн ис хæдзары цы донцъирæн сæвæрынц, уый. Бахаста йæм йæхи ивддзинæдтæ дæр. Тимур Аккалаев, Дзæуджыхъæуы политехникон техникумы студент: «Зæгъæм, ис цъай æмæ уырдыгæй дон цъирынц. Ацы кусæнгарзы руаджы та йæ æрмæст хæдзармæ уадзæн нæ уыдзæн, фæлæ æндæр бынатмæ дæр. Зæгъæм исты цистернæмæ йæ куы дзаг кæнай, уæд». Аккæлаты Тимуримæ ам ахуыр кæнынц иннæ лæппутæ дæр. Иумæ æрымысынц хæдзары пайда чи уыдзысты, ахæм алуыхуызон гæрзтæ. Ныр кусынц электрон тых фæтауæрц кæныныл. Цæмæй адæмæн сæ коммуналон хæдзарады фиддонтæ фылдæр ма кæной, уый тыххæй студенттæ хъæппæрис бахастой фирæуæладзыгон хæдзæртты сæрты ифтонг кæнын хуры тыхæй чи кусы, ахæм батарейтæ. Борæдзаты Ирбег, Дзæуджыхъæуы политехникон техникумы ахуыргæнæг: «Ныртæккæ фарста: Чи æмæ цас хъуамæ фида, уый уæлдай ахсджиаг сси. Иу цырагъ уый бæрц хардз нæ кæны, мæнæ ай руаджы та фæстауæрц фылдæр уыдзæн. Электрон тых уый бæрц хардзгонд нæ цæудзæн. Хуымæтæг цырæгътæ пайда нал кæнæм мах. Светодиоднытæ кæ хонынц, ахæм цырæгътæ ифтонг кæнæм. Уымæй уæлдай ма, датчиктæй чи кусы, ахмтæ дæр. Адæймаг агъуыстмæ куы бацæуы, уæд цыаргъ дæр уæд ссудзы. Минут фæстæ йын йæ фæтк ивын фæхъæуы, уый тыххæй æмæ датчик æй ахуыссын кæны. Ахæм хуызы электрон тых фæтауæрц кæны». Ахæм æнтыстдзинæдтæй техникумы ахуыргæнджытæ дæр разы сты. Сæ студенттæн аразынц æппæт æмбæлгæ уавæртæ. Теорийы хуызы цы зонындзинæдтæ исынц, уыдон сфидар кæнынц практикæйы дæр. Ирæзыгон ахуыргæндоны бæстыхай цырæгътæй барухс вæййы. Ахæм архитектурон нысан фæсивæд сæхæдæг æрхъуыды кодтой. Сындæггай бæстыхайы мидæг электрон провæдтæ дæр ног кæнынц.     Бирæгъты Давид, Дзæуджыхъæуы политехникон техникумы директор: «Техникумы хъуыди электропроводкæ баивын. Ахъуыды кодтам, ис нæм ахæм куыст чи кæны, уыцы ахуыркæнджытæ, ахуыр кæнынц специлаистты- 3-æм-4-æм курсы студентты. Уыдон дæр хъуамæ ахæм бындурон зонындзинæдтæ æнæмæнг зоной. АФтæмæй сфæнд кодтам сæрмагонд бригад скæнын. Ныр æппæт куыстытæ дæр уыдон кæнынц. Сæ дæснытæ сын амонынц, раст куыд архайын хъæуы гæрзтимæ, уый». Тагъд студенттæм фæзындзæн сæхи цех дæр. Ифтонг æй кæны электррон монтажы бригад. Сæ ныснагонд куыстæ уæлдай ма дзы фæнд кæнынц рудзгуытæ дæр араздзысты. Афтæмæй, сæ арæхстдзинад дæр фылдæр кæндзæн æмæ ма сæхи «капекк» дæр кусдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv