Дзæуджыхъæуы питомникы æнæхæдзар куыйтæн фæзынд 110 ног вольеры

Дзæуджыхъæуы питомникы фæзынд 110 ног вольеры. Æнæхæдзар куыйтæй дзы алкæмæн дæр ис хицæн бынат. Суанг ма, карантины кæм вæййынц, ахæм сæрмагонд блок. Питомникы æрбынат кодтой, хаскийæ райдай æмæ хуымæтæг мыггагæй фæуы, – куыйты алы хуызтӕ. Æдæппæтæй дзы бынат ис 212 цæрæгойæн. Дзæуджыхъæуы администрацийы æххуысæй сæ фæзуат уæрæхдæр кæны. Сæйраг корпус кусын райдыдта декабры. Ис дзы æмбæлгæ процедурæтæ кæнæн бынæттæ. Питомник ифтонг кæнынц хъæугæ кусæнгарзæй. Июлы эксплуатацийы ратдзысты къæбылатæ хъомылгæнæн хъарм блок. «Владприют»-ы сæйраг хæс у æнæхæдзар цыппæркъахыг хæлæртты æрцахсын, вакцинаци, стерилизаци æмæ сæ сæрмагонд биркæимæ фæстæмæ ауадзын. Иузæрдион хæлары хæдзармæ акæныны бар ис алкæмæндæр - зæгъынц ветеринартæ.