Бындурон цалцæг

2019 азы республикон бюджетæй психиатрон рынчындон сцалцæг кæнынæн радих кæндзысты æхцайы фæрæзтæ. Уый фехъусын кодта Битарты Вячеслав журналисттимæ фембæлды. Медицинон уагдоны бæстыхай заууатмæ æрцыд. Йæ къултæ схъуына сты. Йæ дондзæуæн хæтæлтæ дæр ивинаг сты. Бындурон цалцæггæнæн куыстытæн дзы радих кæндзысты 60 милуан сомы. Медицинон уагдоны ис 400 рынчынæй фылдæр. Цы уавæрты сæ дзæбæх кæнынц, уыцы фарста у ахсджиаг æмæ вазыгджын. РЦИ-Аланийы сæргълæууæджы уынаффæгæнæг æнæниз хъахъхъæнынады фарстаты Михаил Ратманов: «Нæ республикæйы сæргълæууæг бабар кодта ацы медицинон уагдоны фарста алыг кæнын. Цалцæггонд никуы уыд. Йæ бæстыхай у кæлæддзаг уавæры. 2019 азы нæ республикæйы бюджетæй радих кæндзысты хъæугæ фæрæзтæ. Нæ зæрдæ дарæм, 2019 азы кæронмæ йæ бындуронæй кæй сцалцæг кæндзы, ууыл». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv