Нæртон хъæзтытæ

Дзæуджыхъæуы дыккаг хатт сарæзтой ирон национ хъæзтытæй ерыстæ «Нартикæ». Уыдис дзы фондз дисциплинæйы. Скъоладзаутæ сæ арæхстдзинад æвдыстой бæндæн æмæ къæцæл ивазынæй, уæхсчытæй тохы, фатæй ехсынæй æмæ тымбыл къори æхсынæй. Архайдтой дзы Дзæуджыхъæуы скъолаты 55 минæвары. Алы скъолайæ дæр фондз адæймаджы, 9-11-æм къласты ахуырдзаутæ. Архайджыты æвзæрстой сæ спортивон цæттæдзинадмæ гæсгæ. Хуыздæр рæстдзæвинтæ, хъаруджындæр богæлттæ æмæ фæразондæр спортсментæ турниры сæ тыхтæ бавзæрстой. Уыимæ сæ курдиат равдсынæн фадат уыд канд лæппутæн нæ фæлæ ма чызджытæн дæр. Ерыстæ сты республикон чемпионатмæ æвзарæн къæпхæн. Спартакиадæйы кæронбæттæн уыдзæн ноябры. Мадзал сарæзтой Дзæуджыхъæуы администрацийы хъæппæрисæй. Кæронбæттæн ерыстæм уæлахиздзауты сбæрæг кодтой республикæйы районты дæр. Ерысты сæйраг нысан – фæсивæды `хсæн патриотон хъомыладон куыст аразын. Абоны турниры уæлахиздзауты та схорзæхджын кодтой кады гæххæтыттæ æмæ зæрдылдарæн лæвæрттæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv