психиатрион рынчындоны уыдис чемпионимæ зарядкæ

Абон республикæйы психиатрион рынчындоны уыдис чемпионимæ зарядкæ. Мецицинон кусæндоны чысыл пациенттæн æй сарæзта дунеон ерысты призер, уæгъдибар хъæбысæйхæцæг Къозонты Зауыр. Сывæллæттæ йыл сæмбæлдысты зæрдиагæй, фæрстыты бын дæр ма йæ фæкодтой. Цы сын дзырдта, уымæ та хъуыстой тынг зæрдиагæй. Уæдæ сын зындгонд спорстмен цы фæлтæрæнтæ равдыста, уыдон дæр æххæст кодтой разæнгардæй. Зæгъын хъæуы уый, æмæ психиатрион рынчындоны ахæм мадзал сарæзтой фыццаг хатт. Кодзаты Эрик, психиатрион рынчындоны сывæллæтты хайады разамонæг: «Нæ рынчындон хæдхуыз кæй у, уымæ гæсгæ ахæм спортивон мадзал нæ куыстæн хорз хъомыс у. Цыфæнды куы уа, уæддæр архайæм рæстæгимæ æмдзу кæныны, сывæллæттæй æхсæнады аккаг уæнгтæ саразыныл. Мæхи кой, куы кæной, уæд сæ мæнæн ницы уæлдай ис иннæтæй. Æрмæст иучысыл æндæртæ сты. Фæлæ сæ бартæ, сæ авналæнтæ иннæ сабитæй ницæмæй хицæн кæнынц. Сæ кар хынцгæйæ сын хъуамæ уа ахæм бæрæгбæтты æмæ `ндæр хиирхæфсæн мадзæлтты архайыны фадат». Уæвгæ сын рынчындоны дохтыртæ ахæм хъæлдзæг мадзæлттæ арæх саразынц. Спортивон ерыстæй хъауджыдæр ма сывæллæттæ фæархайынц алыхуызон сфæлдыстадон конкурсты. Сæ арæхстдзинæдтæн та сын тæрхон фæкæнынц кæнæ дохтыртæ, кæнæ та сывæллæтты ныййарджытæ. Абоны ерыстæй дæр иууылдæр тынг фæбузныг сты. Рынчындоны разамынд арфæ ракодта Къозонты Зауырæн, сабитимæ фембæлынмæ кæй нæ фæзивæг кодта, уый тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv