Бирæ дын æнтысæд

Дæ куыст афтæ уарз, æмæ йыл æппынæдзух дæр хъуыды кæн. Ахæм æнувыддзинад цавæр дæсныйадимæ ис бабæттæн? Нæ дарддæры æрмæджы хъайтар - Текъаты Виктор. Ныр 60 азы кусы инженерæй завод «Победит»-ы. 15 азы йыл куы цыд, уæд ацы дæсныйад йæ зæрдæмæ хæстæг айста æмæ йæ никуыуал аивта. Куыд ацæуы йæ кусгæ бон æмæ куыд ахуыр кæны кæстæр фæлтæры йæ дæсныйады сусæгдзинæдтыл, уый базыдта нæ уацхæссæг æмæ йæм байхъусæм. Куыстуарзаг адæймагæн фадæттæ ратт æмæ бæстон архайдзæн. Виктор Тикаев йæ куыстыл æнувыд кæй у, ууыл дызæрдыг ничи кæны. Бафæллад зæгъгæ, дзы никуы ничи фехъуыста. Алы райсом йæ заводмæ зæрдæрайгæйæ фæцæуы. Ныр дзы 60 азæй фылдæр кусы. Ардæм æрбацыд 15 аздзыд лæппуйæ. Фæсмон æппындæр нæ кæны. «Мах зæрдиагæй кусæм. Кусæм заводыл! Цæмæй нæм фылдæр адæм цæуой, нæ республикæйы кад та дарддæр куыд айхъуса, ууыл архайæм. Кæй зæгъын æй хъæуы æппæты сæйрагдæр у куысты хæрзхъæддзинад. Мæ куыст иу станокæй райдыдтой. Шлифовкæ, ома, згъæр дзаумæ хорз слæгъз кæнын - мæ дæсныйадæн йæ уд у. Бирæ уарзын ацы куыст». Йе `мкусджытæ йæ хонынц- Дядя Витя. Бирæ азты кусгæйæ, сæ кæрæдзи бауарзтой æмæ бинонты цард кæнынц. Кæмæндæр Виктор ахуыргæнæг сси, кæмæндæр - дыккаг фыд. «Дядя Витя мæнæн мæ ахуыргæнæг уыд. Кæмдæр иу уыд фæлмæн, кæмдæр та карзныхас дæр скодта. Рæдыдтты тыххæй хыл нæ кодта: бамбарын иу кодта, ахуыр кодта. Уый фæстæ йæ иу сбæлвырд кодта куысты хæрзхъæддзинад. 8-10 сахаты адæм сæ куысты куы фервитынц, уæд уыдон дæр иу бинонты хуызæн свæййынц». Къæдз пластинæтæ чи æмраст кæны, ахæм нырыккон домæнтæн дзуапдæттæг станок Виктор йæхæдæг æрхъуыды æмæ сæмбырд кодта. Уый диссаджы цауыл дæр банымайæн ис. Ныридæгæн пайда кæнынц æмбал кæмæн нæй, ахæм 5 ног станокæй. Виктор Тикаевы хъуыдымæ гæсгæ, дарддæр ма ноджы фылдæр æнтыстдзинæдтæ равдисдзысты. Фидæнмæ сæм бирæ нысантæ ис. Æххуыс та сын у сæ фæлтæрддзинад. Фыцццаджыдæр та сæ уарзон кадджын хистæр. Пелиты Сабинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv