Ахуыргæнджыты форум, сæрмагонд æфсæддон операцийы архайджытæн æххуыс æмæ дохтыры хорзæх IЙæ рæстæгыл

Æрæджы ахуыргæнджытæн Уфайы цы форум ацыд, уым архайдтой Алайнаг гимназы минæвæрттæ дæр. Базонгæ сты иннæ регионты фæлтæрддзинадимæ, нæ бавгъау кодтой сæхи зонындзинæдтæ дæр. Се `нкъарæнты тыххæй радзырдтой равдыст "Йæ рæстæгыл"-ы. Фембæлдыстæм ма, сæрмагонд æфсæддон операцийы архайджытæн чи `ххуыс кæны, уыдонимæ. Уыдон та сты уæзæгтæ ласæг шофыртæ. Цæмæй æххуыс кæнынц æфсæддонтæн, ууыл уыд нæ ныхас. Арфæйаг хъуыддæгтæ аразы æмæ бирæ адæмæн се `нæниздзинад раздахы номдзыд дохтыр Кудзаты Хъазыбег. Æрæджы йын радтой УФ-йы сгуыхт дохтыры ном. Уый нæм йæ рæстæгыл фæкаст радзурыны аккаг цау.