Владимир Путин æмæ Сергей Меняйло æрдзырдтой республикæйы социалон-экономикон райрæзтыл
Владимир Путин бабар кодта Сергей Меняйлойæн, цæмæй уæлдай æргом здаха сæрмагонд æфсæддон операцийы архайджытæ æмæ сæ бинонтæн баххуыс кæнынмæ. Республикæйы сæргълæууæг куыд фæбæрæг кодта, афтæмæй мобилизацийы райдианæй нырмæ скодтой 3 минæй фылдæр социалон паспорты. Алы бинонтæ дæр баст сты иу социалон кусæгимæ. Регионы ма кусы «Фыдыбæстæ хъахъхъæнджытæ» фонды филиал дæр. Уым бакуыстой 1 мин 100 курдиатмæ хæстæгыл. Уымæй уæлдай ма Запорожьейы байгом кæндзысты гуманитарон центр дæр. Уырдæм ныридæгæн ласт æрцыд гуманитарон æххуысы алы хуызты 1 мин тоннæйæ фылдæр, уæдæ дон та 1 мин 400 тоннæйы. Æппæт курдиаттыл дæр бакусынц рæвдз, бастдзинад дæр семæ ис. Нæ бæстæйы Президент æмæ республикæйы сæргълæууæг ма æрныхас кодтой Цæгат Ирыстоны социалон-экономикон рæзтыл дæр. Сергей Меняйло радзырдта, Президент уымæй размæ кусæг фембæлды рæстæг цы уынаффæтæ ракодта, уыдон куыд æххæстгонд цæуынц, уый тыххæй. Беслæны фæвæййынц 21 объекты арæзтад. Фидæны азы та ма - ноджы 24 бæстыхайы. Афтæмæй, 2024-æм азы Беслæны социалон-экономикон рæзты программæмæ гæсгæ æппæт мадзæлттæ фæуыдзысты. Хибарæй ма республикæйы сæргълæууæг бахатыд Владимир Путинмæ, цæмæй программæмæ бахæссой зæххлæбырдтæй тæссаг рæттæм Мæздæджы районы. Уым хъæутæ Чысыл Малгобек, Хъызлар æмæ Предгорноейы 147 хæдзары цæрæджы хъæуы æндæр бынæттæм раивын æдас ранмæ. Сергей Меняйло ма радзырдта «КАВКАЗ.РФ» цы туризмы мастер-пъан сарæзтой, уый тыххæй. Мамысоны фидæны курорты арæзтадыл дæр æрлæууыдысты, стæй «Алания парк»-ы проектыл дæр. Парчы скодтой рæтæнвæндаг æмæ трассæ 1 мин æмæ 700 метры дæргъæн, сфидар ма дзы кодтой фæлгæсæн цалх æмæ рухсгæнæн системæ дæр. Владимир Путин ма бабар кодта сывæллæтты рæвдауæндæтты уавæрмæ дæр æркæсын, цæмæй дзы æгæр бирæ сабитæ ма уа къордты.
Владимир Путин бабар кодта Сергей Меняйлойæн, цæмæй уæлдай æргом здаха сæрмагонд æфсæддон операцийы архайджытæ æмæ сæ бинонтæн баххуыс кæнынмæ. Республикæйы сæргълæууæг куыд фæбæрæг кодта, афтæмæй мобилизацийы райдианæй нырмæ скодтой 3 минæй фылдæр социалон паспорты. Алы бинонтæ дæр баст сты иу социалон кусæгимæ. Регионы ма кусы «Фыдыбæстæ хъахъхъæнджытæ» фонды филиал дæр. Уым бакуыстой 1 мин 100 курдиатмæ хæстæгыл. Уымæй уæлдай ма Запорожьейы байгом кæндзысты гуманитарон центр дæр. Уырдæм ныридæгæн ласт æрцыд гуманитарон æххуысы алы хуызты 1 мин тоннæйæ фылдæр, уæдæ дон та 1 мин 400 тоннæйы. Æппæт курдиаттыл дæр бакусынц рæвдз, бастдзинад дæр семæ ис. Нæ бæстæйы Президент æмæ республикæйы сæргълæууæг ма æрныхас кодтой Цæгат Ирыстоны социалон-экономикон рæзтыл дæр. Сергей Меняйло радзырдта, Президент уымæй размæ кусæг фембæлды рæстæг цы уынаффæтæ ракодта, уыдон куыд æххæстгонд цæуынц, уый тыххæй. Беслæны фæвæййынц 21 объекты арæзтад. Фидæны азы та ма - ноджы 24 бæстыхайы. Афтæмæй, 2024-æм азы Беслæны социалон-экономикон рæзты программæмæ гæсгæ æппæт мадзæлттæ фæуыдзысты. Хибарæй ма республикæйы сæргълæууæг бахатыд Владимир Путинмæ, цæмæй программæмæ бахæссой зæххлæбырдтæй тæссаг рæттæм Мæздæджы районы. Уым хъæутæ Чысыл Малгобек, Хъызлар æмæ Предгорноейы 147 хæдзары цæрæджы хъæуы æндæр бынæттæм раивын æдас ранмæ. Сергей Меняйло ма радзырдта «КАВКАЗ.РФ» цы туризмы мастер-пъан сарæзтой, уый тыххæй. Мамысоны фидæны курорты арæзтадыл дæр æрлæууыдысты, стæй «Алания парк»-ы проектыл дæр. Парчы скодтой рæтæнвæндаг æмæ трассæ 1 мин æмæ 700 метры дæргъæн, сфидар ма дзы кодтой фæлгæсæн цалх æмæ рухсгæнæн системæ дæр. Владимир Путин ма бабар кодта сывæллæтты рæвдауæндæтты уавæрмæ дæр æркæсын, цæмæй дзы æгæр бирæ сабитæ ма уа къордты.