Æхсызгон хъусынгæнинаг

Нæ мзæххон, уæрæсейаг боксер Гасситы Мурат йæхи цæттæ кæнын райдадзæн рингмæ рацæуынмæ. Цавæр уæзы хæццæн, уый сбæрæг уыдзæн апрелы. Гæнæн ис, æмæ уыцы спортивон цау ацæуа Дзæуджыхъæуы. Уый тыххæй фехъусын кодта Уæрæсейы боксы федерации генералон секретарь Умар Кремлев нæ журналистимæ фембæлды. Куы загъта, афтæмæй йæ бон цы у, уый скæндзæн цæмæй Гасситы Мурат рингмæ райæуа нæ республикæйы. Умар Кремлев йæхæдæг дæр ныр ис Дзæуджыхъæуы. Архайдта европæйаг боксы конфедерацийы ног разамынды æмбырды. Куыд рабæрæг, афтæмæй комитеты уæнгтæ уыдзысты 5. Се `схæн Европæйы боксы конфедерацийы президент Франко ФАльчинелли дæр. Уыимæ ма комитеты сфидар кодтой 2 дæлхайады: фæсивæдон, стæй бастдзинад æмæ коммуникациты фарстаты фæдыл хайад. Ацы аз августы, Гуырдзыстоны арæзт æрцæудзысты 13-азæй 14 азы онг кæуыл цæуы, уыдоны хсæн боксæй Европæйаг ерыстæ. Æмбырды рæстæг равдыстой горæт Минскы тыххæй презентаци. Уым та июны ацæудзысты нæлгомæгты æмæ сылгомæгты хсæн Европæйы чемпионат боксæй. Дзырдтой ныртæккæ Цæгат Ирыстоны цы боксы ерыстæ цæуынц юниорты хсæн, уый тыххæй дæр. Спортивон мадзал цы æмвæзадыл конд у, уымæй Умар Кремлев разыйæ баззад. Йæ ныхæстæм гæсгæ, ахæм егъау ерыстæ ахадынц спорты рæзтыл нæ республикæйы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv