Сфæлдыстадон лаборатори «Портал»-ыл сæххæст 4 азы

Сфæлдыстадон лаборатори «Портал» бæрæг кæны йæ гуырæн бон. У нæ республикæйы фыццаг национ æрмдæсныты иугонд. Бæрæгбоны фæдыл хуыздæр æрмдæснытæ сарæзтой хиконд дзаумæтты равдыст. Равæрдтой дзы сæ куыстытæ: уæлæдарæс, ирон национ ахорæнтимæ, зæрингуырдты дзауматæ, сувениртæ. Иронау чи дзуры, ахæм хъазæнтæ, сапонæй конд хъайтартæ. Уазджытæн равдыстой дæсныйад æвдисæг ахуыртæ. Мадзал райдыдта абон 11 сахатыл, лабораторийы фæзуаты. Уæ зæрдыл уын æрлæууын кæндзыстæм, сфæлдыстадон æрмдæсныты къорд ивгъуыд аз президенты грант 1 милуан сомы бæрц кæй рамбылдта. Æхцайы фæрæзтæй архайынц фæсивæды культурон рæзтыл, уыимæ ма сын æххуыс кæнынц сæ курдиат раргом кæнынæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv