Номхæссæг нысан

Чысыл раздæр нæ равдысты уырыссаг хайы куыд хъусын кодтам, афтæмæй Цæгат Ирыстоны туристон бренд официалон æгъдауæй абон равдыстой Дзæуджыхъæуы. Сарæзта йæ Артемий Лебедевы дизайны студи. Æнæмæнг зæгъæн ис, æмæ цы ирон символикæйыл сахуыр стæм, уый æвдыст æрцыд æндæр хуызы. Базонæн дзы ис национ символтæ - 7 хохы æмæ фыранчы дзыгъуыртæ, фæлæ сты хъæлдзæг хуызтæй ахуырст. Уыцы логотипы тыххæй социалон хызæгты мæй размæ бацайдагъ стыр хъаугъа. Бирæты зæрдæмæ нæ фæцыд. Кæмæдæрты цы ирд хуызтæй ахуырст у, уый æнæпълан фæкаст. «Мæлæты креатив!», зæгъгæ, фыстой иутæ интернеты. «Ирыстонæй дзы куы ницыуал баззад!» Иннæтæ та загътой, «æнцонæмбарæн æмæ æнæ уæлдай хæйттæй. Чи йæ фена, уый йæ нæ ферох кæндзæн», - афтæ йæ `мбарын кодтой, логотип кæй зæрдæмæ фæцыд, уыдон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv