Цæгат Ирыстоны мидхъуыддæгты министрады уыд сæрмагонд æмбырд

Æхсæнадон æдасдзинад æмæ уаг сæвæрæны тыххæй ныхас кодтой Цæгат Ирыстоны мидхъуыддæгты министрады сæрмагонд æмбырды дæр. Сæйрагдæр фарста уыди тагъд нæ республикæйы уæгъдибар хъæбысхæстæй цы егъау æппæтадæмон турнир сараздзысты «Аланы», зæгъгæ, уымæ куыд цæттæ кæнынц. Спортивон мадзал ацæудзæн 7 æмæ 8 декабры Дзæуджыхъæуы. Æмбырды архайдтой Хицауады сæрдары хæсдивæг Фадзайты Æхсарбег, физкультурæ æмæ спорты министр Хуыгаты Алан, Дзæуджыхъæуы администарцийы сæргълæууæг Фæрниаты Тамерлан æмæ профилон уагдæтты минæвæрттæ. Уыдон æрдзырдтой рагагъоммæ цæттæгæнæн мадзæлттæ куыд æххæст кæнынц, уый тыххæй. Ахсджиаг фарстаты хсæн - транспортон логистикæ æмæ ифтонгад. Æхсæнадон æдасдзинады пъæлицæйы хицауы хæдивæг Сабанаты Альберты ныхæстæм гæсгæ, цæмæй мадзалы архайджыты æмæ республикæйы уазджыты барадон фæтк баххæст кæной, уый тыххæй хъæуы цы уагæвæрдтæ снысан кодтой, уыдон бахынцын. Барадхъахъæнджытæ хъуамæ сæ цæст дарой мадзалы райдианæй, йæ фæуынмæ. Уый тыххæй сæрмагонд рад хæсдзæн Мидххъуыддæгты министрады хи сконд иууылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv