Дзанайты Барис схорзæхджын кодта æнæнхъæлæджы уавæрты министрады кусджыты

Республикæйы æнæнхъæлæджы уавæрты министрад бæрæг кæны йæ 33 азы. Уый фæдыл бæрнадæн раарфæ кодта Дзанайты Барис. Кадджын уавæрты кусджытæ райстой сæргълæууæг Сергей Меняйлойы номæй бузныджы фыстæджытæ æмæ дипломтæ. Премьер куыд фæбæрæг кодта, афтæмæй регионы цæрджыты æдасдзинад хъахъхъæнæг адæм стыр кады аккаг сты. Бӕрнады кусджытæн дипломтæ æмæ бузныджы фыстæджытæ радта æнæнхъæлæджы уавæрты министрады республикон управленийы разамонæг Александр Хоружий дæр. Схорзæхджын кодта, срæмыгътыты æмæ æрдзон бæллæхты рæстæг ирвæзынгæнæн операциты чи архайдта, уыдоны.