2 мæйы `мгъуыдмæ

Бирæфатерон хæдзæртты бындурон цалцæджы фонд æмæ, куыстытæ чи æххæст кæны, уыцы организаци бафыстой бадзырд. Йæ домæнтæм гæсгæ, культурон нысаниуæг кæмæн ис, уыцы бæстыхæйтты сæртæ хъуамæ ивд æрцыдаиккой. Къорд рæстæджы размæ сæ ивын бæргæ райдыдтой, фæлæ куыстытæ кæронмæ афтæ дæр нæ фесты. Æдæппæтæй сты фондз объекты. Цалцæггæнæнты хъæндзинæдтæ куы рабæрæг сты, уæд сæ аиуварс кодтой. Куыстытæ та баурæдтой. Арæзтадон компани цы схардз кодта, уыдон фæстæмæ сæ къухы нæ бафтыдысты. Ныр бирæфатерон хæдзæртты бындурон цалцæджы фонд аукцион саразгæйæ, бадзырд бафыста ног арæзтадон компаниимæ. Куыстытæ ногæй хъуамæ райдыдтаиккæй 17 сентябры, фæлæ сæ хæдзæртты цæрджыты курдиатмæ гæсгæ раздæр райдыдтой. Кæронмæ ахæццæ уыдзысты дыууæ мæйы фæстæ. Уæ зæрдыл уын æрлæууын кæндзыстæм, культурон нысаниуæг кæмæн ис, уыцы бæстыхæйтты сæртæ бæлвырд æмгъуыдмæ ивд не рцыдысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv