Битарты Вячеслав Æрыдоны районы социалон-экономикон райрæзты фарстатыл æрдзырдта Тотраты Владиславим

Цæгат Ирыстоны сæргълæууæг Битарты Вячеслав Æрыдоны районы социалон-экономикон райрæзты фарстатыл æрдзырдта Тотраты Владиславимæ. Кусæг фембæлды рæстæг ныхас кодтой национ проекттæ куыд æххæст кæнынц, уый тыххæй. 2020-æм азы федералон программæйы фæлгæты фæнд кæнынц саразын æмæ бындуронæй рацаразын социалон нысаниуæг кæмæн ис, ахæм 25 объекты. Тотраты Владислав куыд бафиппайдта, афтæмæй муниципалон сконды уый бæрц объекттæ дæсгай æзты нæ арæзтой. Афтæмæй, Æрыдоны «Спорт - норма жизни», зæгъгæ, федералон проекты фæлгæты райдыдтой спортивон комплекс аразын. Фембæлды куыд фæнысан кодтой, афтæмæй арæзтадмæ æппынæдзух цæстдард цæудзæн. Объект эксплуатацийы ратдзысты 2021-æм азы декабры. Тотраты Владиславы ныхæстæм гæсгæ тагъд Красногоры байгом уыдзæн ног амбулатори. Сменæмæ дзы исдзысты 50 адæймаджы. Арæзтад æххæст кодтой федералон программæйы фæлгæты. Хъæууон территориты райрæзты программæйы фæлгæты, Хъæдгæроны дондзæуæн хæтæлтæ сног кæндзысты. Æрдзырдтой ма республикæйы сæргълæууæг районы цæрджытимæ фембæлды рæстæг цы хæслæвæрдтæ снысан кодта, уыдоныл. Битарты Вячеслав бабар кодта, цæмæй æппæт фарстатæ æххæстгонд æрцæуой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv