Дигорайы 55 азы кусы Цæголты Георгийы номыл конд музей

Дыгуры районы Цæголты Георгийы номыл хæдзар-музей чи нæ зоны, ахæмты зын ссарæн у. Арæх дзы арæзт æрцæуынц алыхуызон цымыдисаг мадзæлттæ. Цæголты Георгий уыд коммунистон парти «Кермен»-ы регионалон хайады сæргълæууæг. Йæ музейы дуæрттæ гом сты алкæддæр. Фенæн дзы ис алыхуызон цымыдисаг равдыстытæ. Нæ уацхæссæг Къуымæллæгкаты Фатимæ абалц кодта Дыгуры районмæ, бацæттæ кодта цымыдисаг æрмæг. Коммунистон парти «Кермен»-ы регионалон хайады сæргълæууæг Цæголты Георгийы ном Дыгуыры районы чи нæ зоны,ахæм нæй. Адæм сæ хъайтары ном кæй нæ рох кæнынц, уымæй бузныг сты Георгийы номыл арæзт музейы кусджытæй. Ардæм æрбахизгæйæ рæстæг цыма 1900 азы баурæдта ,афтæ фæкæсы. Цæголты Георгий райгуырд 1897 азы, Христиановскийы хъæуы. 22 азы йыл куы цыд, уæд æй амардтой урс æфсады æфсæддонтæ. Хъайтары номыл йæ райгуырæн хæдзары сарæзтой музей. Абон дæр ма лæууы уыцы рæстæджыты куыд уыди, афтæмæй. Уымæй уæлдай ма музейы ис 5 залы. Уыдонæй иу у равдыстытæн. Иннæтæн та се ппæт дæр сты тематикон. Уыдонæй иу -октябрьы революцийы номыл конд, иннæ -фыдыбæстæйы стыр хæсты хъайтарты номыл арæзт, æртыккаг - Дыгуыры районы зынгонд цæрджытæ æмæ ма иу - ирон адæмы хæдзарон гæрзтæ. 9-æм маймæ музейы байгом кодтой Советон Цæдисы æфсæддонты блиндаж. Ам ис фенæн хæсты рæстæгæй цы дзаумæттæ æмæ мигæнæтæ баззад. Скъоладзаутæм кæсынц тынг цымыдиссаг. Фæлæ музей дарынмæ гыццыл хъарутæ нæ хъæуы. Музейы кусджытæ арæх фæархайынц районы æхсæнадон царды. Алы бæрæгбонмæ дæр сæхи бæстонæй бацæттæ кæнынц. Куыд зæгъынц, афтæмæй сæ куысты сæйраг нысан у рæзгæ фæлтæрæн нæ истори зонын кæнын. Æмæ сын уый æнтысджынæй уайы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv