Цæгат Ирыстоны мидхъуыддæгты министрады кустытæ рахастой азымгæнды кæронбæттæны уынаффæ

Цæгат Ирыстоны мидхъуыддæгты министрады базарадон-экономикон, финансон-кредитон, промышленнон, террористон-экстремистон змæлды къабæзты фыдракæндты ныхмæ арæзт хайады 33-аздзыд разамонæг æмæ арæнгонд бæрнон æхсæнад «Южный Поток»-ы генералон директорæн Цæгат Ирыстоны слестгæнæн комитеты слестгæнæн управленийы азымгæнды кæронбæттæны уынаффæ рахастой.Азымджын сæ кæнынц, сæ бартæй цы ’мбæлы, уымæй фылдæр кæй спайда кодтой, уыимæ ма куысты фæливæн миты тыххæй. Следстгæнджыты бæрæггæнæнтæм гæсгæ, 2018-æм азы азымджын разамынд цы хайадæн лæвæртта, уыдоны статистикон бæрæггæнæнтæ мæнг хуызы фæбæрзонддæр кодта. Уый тыххæй йæ зонгæйы æххуысы руаджы Алагиры цæрæг 52 аздзыд нæлгоймаджы ныхмæ оперативон- агурæн архайыды бæрæггæнæнтæ мæнгтыл баивдта. Гæххæтытæм гæсгæ, «Южный Поток»-ы кусæг уæвгæйæ, куыстуат æрдзон газæн «Газпром Межрегионгаз Владикавказ»,-æн цы æхцайы фæрæзтæ фидинаг уыдысты, уыдон хи пайдайæн схардз кодта. Афтæмæй фыдракæнд сарæзта артаг æмæ энергетикæйы къабазы. 8-æм ноябры 2018 азы мæнг гæххæтытыты бындурыл нæлгоймаджы ныхмæ байгом кодтой уголовон хъуыддаг. Фæстæдæр, фыдракæнд кæй нæ уыд, уымæ гæсгæ уголовон хъуыддаг æхгæд æрцыд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv