Сергей Меняйло фембæлд банчы, базарадон, афтекты æмæ транспортон компаниты минæвæрттимæ

Сергей Меняйло фембæлд банчы, базарадон, афтекты æмæ транспортон компаниты минæвæрттимæ. Республикæйы сæргълæууæг загъта, ныры онг цы кредиттæ ист æрцыд, уыдонæн сæ процентон ставкæтæ уæлдæргæнæн кæй нæй. Банкæй аразгæ æххуысы мадзæлттæй хъæуы спайда кæнын. Базарадон бынæттæ æмæ афтекты хицæуттæн регионы разамонæг бафæдзæхста æргътæ хæрдмæ хизын ма уадзын. Сæрмагондæй социалон ахадындзинад цы хойрæгтæн ис, уыдоны æргътæм лæмбынæг кæсын. Монополиты ныхмæ федералон управленийæн Сергей Меняйло бабар кодта, прокуратурæимæ æмгуыст кæнгæйæ, фæлхасадон базайрæгтæм æргом аздахын. Ахсджиаг у сæйраг хойраджы продуктты æмæ æнæмæнг хъæугæ хосты æргътæм цæст дарын. Æргътæ куы рæзой æнæ бæлвырд аххосагæй, уæд ахæм цауты архайджытæ цæудзысты æфхæрд. Уавæр мониторинг кæндзысты адæмон фронты активисттæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv