1-æм апрелæй сывæллоны скъоламæ радтыны тыххæй курдиат бадæттæн уыдзæн паддзахадон лæггæдты порталы

1-æм апрелæй сывæллоны скъоламæ радтыны тыххæй курдиат бадæттæн уыдзæн паддзахадон лæггæдты порталы. Уый тыххæй фехъусын кодта бæстæйы вице-премьер Дмитрий Чернышев. Ныридæгæн уал ахæм фадат ис Уæрæсейы 17 регионы цæрджытæн, се 'хсæн Цæгат Ирыстон дæр, афтæмæй. Курдиаты иумæйаг хуызы сывæллоны ис скъоламæ ныффыссæн йæ цӕрæн бынатмæ гæсгæ, стæй ма, бинонтæн цы льготæтæ æмбæлы, уыдон фæнысан кæнын дæр. Паддзахадон лæггæдты порталы курдиат бадæттæн ис 30-æм июнмæ. Кæд ныййарджыты фæнды сывæллоны æндæр районы скъоламæ раттын, уæд та курдиат бадæттын хъæуы 6-æм июлæй 5-æм сентябрмæ. Фæлæ уæд сывæллоны скъоламæ райсдзысты, уæгъд бынæттæ ма дзы кæд баззайа, уæд. Онлайн хуызы курдиат бадæтгæйæ ныййарджыты хъæудзæн, цы скъола равзæрстой, уырдæм æмбæлгæ документтæ бадӕттын. Сывæллоны скъоламæ кæй райстой, уый фӕдыл хъусынгæнинаг ныййарджытæм æрбацæудзæн хи кабинетмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv