Хуссар Ирыстоны рдыгæй сæхгæдтой Гуыдзыстонимæ паддзахадон арæн

Хуссар Ирыстоны рдыгæй сæхгæдтой Гуыдзыстонимæ паддзахадон арæн. Уый баст у сабырдзинады æмæ æдасдзинады домæнтæ Гуырдзыстоны рдыгæй хæлд кæй цæуынц, уыимæ. Уый тыххæй хъусын кæны информацион агентад РЕС. «Раздахан» æмæ «Синагур»-ы уадзæн пункттæ гом æрцæудзысты уавæр куы фæхуыздæр уа, уæд.  Уæ зæрдыл уын æрлæууын кæдзыстæм Цънелисы хъæуы Гуырдзыстоны ‘рдыгæй аразынц æнæзакъонæй арæны пост. 29-æм августы Хуссар Ирыстон Гуырдзыстонæй бадомдта пост айсын. Фæлæ сын гуырдзыйæгтæ сæ ныхас ницæмæ æрдардтой. Уæрæсейы президенты исæнуаты Дзæуджыхъæуы уыд радон фембæлд цæрджытимæ. Социалон фæдзæхстады регионалон фонды цæгатирыстойнаг хайады разамонæг Айларты Зæлинæ аныхас кодта адæмимæ ахсджиаг фарстатыл. Цæрджытæм разынд алыхуызон курдиæттæ. Тыхсын сæ кодта санитарон-курортон лæггæдтæ райсынимæ цы къуылымпыдзинæдтæ фæзыны, уый, уæдæ рынчындонмæ льготæтæ райсын дæр хуымæтæджы хъуыддаг нæу. Социалон фæдзæхстады фондмæ цы фарстатæ хауынц уыдоныл ныр бакусдзысты профилон кусæндоны.  _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv