Арæзтад æмæ архитектурæйы студенттæ бацæттæ кодтой равдыст

Цæгат Кавказы Хæххон-Металлургон иниституты, арæзтад æмæ архитектурæйы студенттæ бацæттæ кодтой равдыст. Сæ куыстытæ адæмы рæгъмæ рахастой Дзæуджыхъæуы нырыккон аивады паддзахадон центры. Конд сты алы хуызон жанрты - каллиграфи, мыхуыргонд нывтæ, живопись æмæ комьютерыл конд графикæ. Ахуырдзауты ныхæстæм гæсгæ, сæ нывты æвдисынц факултеты сын цы зонындзинæдтæ бацамыдтой æмæ сæ уыдон аивадон хуызы куыд иатсынц, уый. Сæ курдиат дзы æвдисынц 3-æм курсы студенттæ. Равдыст цæудзæн 28-æм декабрмæ.  Цъыккаты Иринæ, Цæгат Кавказы хæххон-металургон институты, арæзтад æмæ æрхитектурæйы факультеты 3-æм курсы ахуырдзау: «Мæнæ ацы ныв у мæ куыст. Скодтон æй каллиграфийы хуызы. Спайда дзы кодтон сисæй. Калиграфи ныртæккæ парахат кæны, ацы жанр аивады егъау бынат бацахсдзæн». Дзатиаты Сослан, Цæгат Кавказы хæххон-металургон институты, арæзтад æмæ æрхитектурæйы факультеты ахуыргæнæг: «Ацы рвдыстæн снысан кодтам сæрмагонд ном «Всеобщее цветение», зæгъгæ. Афтæ кæддæр загъта, зындгонд уæрæсейаг нывгæнæг Павел Филонов. Уый æрымысыд аивады райрæзты йæхи зонадон бындур. Уыцы ахуыр хынцгæйæ мах дæр бафæндыд йæ хатдзæгтыл ахъуыды кæнын. Ныртæккæ цы уавæр ис нæ алфамблай, уый ирастгæйæ...æрыгон адæймаг нырыккон дуджы цы нкъары, уый». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv