Терроризмы ныхмæ æппæтуæрæсеон ахуыртæ ацдысты 24 - æм скъолайы
Урокы цыд фæкъуылымпы кодтой дыууæ æбæрæг нæлгоймаджы. Æрымысгæ цаумæ гæсгæ хæцæнгарзимæ адæм бабырстой скъолайы кæртмæ. Фыццаг сæ ауыдта хъахъхъæнæг, уайтагъд фæдисы сигнал нылхъывта, хъæрæйдзурæнæй фехъусын кодта тæссаг уавæры тыххæй. Фыдгæнджыты фæндыд кабинеттæй иуы бамбæхсын. Фæлæ ахуырдзаутæ зонынц раст куыд архайын хъæуы, уый. Уайтагъд сæхгæдтой рудзгуытæ, дуæрттæм сæвæрдтой быцæуттæ. Бынатмæ æвæстиатæй сæмбæлдысты Уæрæсейы гвардийы специалисттæ. Сæ алы архайд дæр фæткмæ гæсгæ у бæлвырдгонд. Специалисттæ бацыдысты скъоламæ æмæ æрцахстой фыдгæнджыты. Дарддæр та æрымысгæ цаумæ гæсгæ скъоламæ бахастой рæмудзæн æрмæг. Гуырысхойаг къопп спортивон залмæ бахизæны рабæрæг кодтой медицинон хотæ. Уайтагъд фехъусын кодтой хъахъхъæнæгæн. Уый æвæстиатæй бынатмæ бацæуæнтæ æрæхгæдта. Уый фæстæ ныххæцыд фæдисы сигналыл, фехъусын кодта эвакуацийы тыххæй. Фæдисы сигналы фæстæ ахуыргæнджытæ æмæ сывæллæттæ скъолайæ æдас ранмæ рацыдысты. Архайынц куыд æмбæлы, афтæ. Фæткмæ гæсгæ. Раиртæстой бæстыхайы ма исчи баззад æви нæ, уый. Уæрæсейы гвардийы кусджытæ сбæрæг кодтой скъолайы афтид кæй у. Дарддæр гуырысхойаг предметимæ кусдзысты сапертæ æмæ сæрмагонд специалисттæ. Эвакуацийæн бахъуыд 3 минуты. Фæсивæд хорз зыдтой æнæнхъæлæджы уавæры рæстæг хи куыд дарын хъæуы, уый. Терроризмы ныхмæ æппæтуæрæсеон ахуыртæ ацыдысты 24-æм скъолайы. Уæрæсейы гвардийы æмæ æнæведомствон хъахъхъæнынады кусджытæ куыд фехъусын кодтой, афтæмæй тренировкæ ацыд бæрзонд æмвæзадыл. Ахæм ахуыртæ республикæйы ахуыргæнæндæтты специалисттæ аразынц æппынæдзух. Специалисттæ куыд зæгъынц, афтæмæй ахсджиаг у скъоладзауты ахуыр кæнын æнæнхъæлæджы уавæрты рæстæг хи куыд дарын хъæуы, ууыл.
Урокы цыд фæкъуылымпы кодтой дыууæ æбæрæг нæлгоймаджы. Æрымысгæ цаумæ гæсгæ хæцæнгарзимæ адæм бабырстой скъолайы кæртмæ. Фыццаг сæ ауыдта хъахъхъæнæг, уайтагъд фæдисы сигнал нылхъывта, хъæрæйдзурæнæй фехъусын кодта тæссаг уавæры тыххæй. Фыдгæнджыты фæндыд кабинеттæй иуы бамбæхсын. Фæлæ ахуырдзаутæ зонынц раст куыд архайын хъæуы, уый. Уайтагъд сæхгæдтой рудзгуытæ, дуæрттæм сæвæрдтой быцæуттæ. Бынатмæ æвæстиатæй сæмбæлдысты Уæрæсейы гвардийы специалисттæ. Сæ алы архайд дæр фæткмæ гæсгæ у бæлвырдгонд. Специалисттæ бацыдысты скъоламæ æмæ æрцахстой фыдгæнджыты. Дарддæр та æрымысгæ цаумæ гæсгæ скъоламæ бахастой рæмудзæн æрмæг. Гуырысхойаг къопп спортивон залмæ бахизæны рабæрæг кодтой медицинон хотæ. Уайтагъд фехъусын кодтой хъахъхъæнæгæн. Уый æвæстиатæй бынатмæ бацæуæнтæ æрæхгæдта. Уый фæстæ ныххæцыд фæдисы сигналыл, фехъусын кодта эвакуацийы тыххæй. Фæдисы сигналы фæстæ ахуыргæнджытæ æмæ сывæллæттæ скъолайæ æдас ранмæ рацыдысты. Архайынц куыд æмбæлы, афтæ. Фæткмæ гæсгæ. Раиртæстой бæстыхайы ма исчи баззад æви нæ, уый. Уæрæсейы гвардийы кусджытæ сбæрæг кодтой скъолайы афтид кæй у. Дарддæр гуырысхойаг предметимæ кусдзысты сапертæ æмæ сæрмагонд специалисттæ. Эвакуацийæн бахъуыд 3 минуты. Фæсивæд хорз зыдтой æнæнхъæлæджы уавæры рæстæг хи куыд дарын хъæуы, уый. Терроризмы ныхмæ æппæтуæрæсеон ахуыртæ ацыдысты 24-æм скъолайы. Уæрæсейы гвардийы æмæ æнæведомствон хъахъхъæнынады кусджытæ куыд фехъусын кодтой, афтæмæй тренировкæ ацыд бæрзонд æмвæзадыл. Ахæм ахуыртæ республикæйы ахуыргæнæндæтты специалисттæ аразынц æппынæдзух. Специалисттæ куыд зæгъынц, афтæмæй ахсджиаг у скъоладзауты ахуыр кæнын æнæнхъæлæджы уавæрты рæстæг хи куыд дарын хъæуы, ууыл.