Ахсджиаг фарстатæ

Республикæйы сæргълæууæг Битарты Вячеслав фембæлд Алагиры районы цæрджытимæ. Æмбырд арæзт æрцыд Уæллаг Бирæгъзæнджы. Фыццаг фарста уыд хъæуы скъолайы ахуыргæнæгæй. Йæ ныхæстæм гæсгæ, се `скъола ныр 42 азы бындуронæй цалцæггонд нæ уыд. Ахуыргæнджытæ дзы сæхи тыхтæй сæ бон цы, уымæ базилынц, фæлæ уый фаг нæу. Битарты Вячеслав бабар кодта республикæйы арæзтад æмæ архитектурæйы министрадæн цалцæджы куыстыты сметæ скæнын, ахуырад æмæ наукæйы министрадæн та - уыцы хардзтæн фæрæзтæ радих кæнын. Цæрджытæй ма бирæтæ хъаст кодтой хъæуы æмæ районы куыст кæй нæй, уымæй. Уæллаг Бирæгъзæнджы цæрджыты ма тыхсынц дон сæм æвзæр кæй кæлы, спортивон фæзтæ сæм кæй нæй æмæ сæ фæсивæд хъæуæй кæй лидзынц, уыцы фарстатæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv