Фидæны аз Цæгат Ирыстоны æхсæнадон транспорты лæггæдты системæ ногæй рацараздзысты
Фидæны аз Цæгат Ирыстоны æхсæнадон транспорты лæггæдты системæ ногæй рацараздзысты. Ахæм хæс дзуапдæттæг комитеты размæ сæвæрдта регионы разамонæг. Сергей Меняйлойы ныхæстæм гæсгæ, республикæйы транспортон лæггæдты хæрзхъæддзинад домæнтæн рагæй нæ дæтты дзуапп. Сæвзæргæ фарстатæ хъæуы аиуварс кæнын. Бæлццæттæласæг компанитæ хъуамæ кусой закъоны бындурыл. Æрмæст уæд лæггæдтæ уыдзысты æдас æмæ æнцонвадат. Ныртæккæ бирæ куыстуæттæ домæнтæ нæ æххæст кæнынц. Хæстæгдæр рæстæг дзуапдæттæг ведомствотæ рацæудзысты сæрмагонд рейдты. Сергей Меняйло, куыд фæнысан кодта, афтæмæй æхсæнадон транспорты 2 мин иуæгæй æрмæст 112 автобусы ис æнæрмæджы æхцайæ фæндаггаг бафидæн. Регионы разамонæг бабар кодта, бæлцæттæласæг компанитæм прибортæ самал кæнынмæ фæкæсын. Транспорты комитеты сæрдар Солиты Тариэль куыд фехъусын кодта, афтæмæй бирæ автотранспортон компанитæн автобазæтæ нæй, шофыртæ линимæ рараст вæййынц сæ хæдзæрттæй æнæ æмбæлгæ техникон æмæ медицинон æркастæй. Сæргълæууæг цæстдарæн-контролон оргæнтæй бадомдта ацы хъуыддаг раиртасын.
Фидæны аз Цæгат Ирыстоны æхсæнадон транспорты лæггæдты системæ ногæй рацараздзысты. Ахæм хæс дзуапдæттæг комитеты размæ сæвæрдта регионы разамонæг. Сергей Меняйлойы ныхæстæм гæсгæ, республикæйы транспортон лæггæдты хæрзхъæддзинад домæнтæн рагæй нæ дæтты дзуапп. Сæвзæргæ фарстатæ хъæуы аиуварс кæнын. Бæлццæттæласæг компанитæ хъуамæ кусой закъоны бындурыл. Æрмæст уæд лæггæдтæ уыдзысты æдас æмæ æнцонвадат. Ныртæккæ бирæ куыстуæттæ домæнтæ нæ æххæст кæнынц. Хæстæгдæр рæстæг дзуапдæттæг ведомствотæ рацæудзысты сæрмагонд рейдты. Сергей Меняйло, куыд фæнысан кодта, афтæмæй æхсæнадон транспорты 2 мин иуæгæй æрмæст 112 автобусы ис æнæрмæджы æхцайæ фæндаггаг бафидæн. Регионы разамонæг бабар кодта, бæлцæттæласæг компанитæм прибортæ самал кæнынмæ фæкæсын. Транспорты комитеты сæрдар Солиты Тариэль куыд фехъусын кодта, афтæмæй бирæ автотранспортон компанитæн автобазæтæ нæй, шофыртæ линимæ рараст вæййынц сæ хæдзæрттæй æнæ æмбæлгæ техникон æмæ медицинон æркастæй. Сæргълæууæг цæстдарæн-контролон оргæнтæй бадомдта ацы хъуыддаг раиртасын.