Газ æви артаг?

46 сомы - артаг, 24 сомы - газ. Артаджы станцæтæй дардмæ æрттивынц ахæм æргътæ. Шофыртæ хъазт кæнынц - артаджы аргъ бонæй бонмæ зынаргъдæр кæны. Афтæмæй, сæ куыстæй ницы уынынц. Сæ фылдæр сабыргай газмæ рахызтызты, кæд сæ сæ машинæты кусæнгæрзтæ ивын бахъæуы, уæддæр. Машинæ рацаразын та аслам нæу. Цæмæн афтæ у, уый сбæрæг кæныныл бацархайдта Гогаты Марат. Цалынмæ бензин туджы аргъ кæны, уæдмæ асламдæр гæнæнтæ чи агуры, уыдон фылдæрæй-фылдæр кæнынц. Хæдтулгæтæ кæм рацаразынц, уыцы центрыты æмæ æрмадзты алы бон дæр 4 машинæйæ фылдæры баивынц артаджы системæтæ. Шофырты фæнды цæмæй сæ хæдтулгæтæ газæй кусой. Æрмæст мæнæ ацы станцæйы ацы аз бензинæй газы хæтæлтæм раивтой мин хæдтулгæтæмæ ввахс. Сæлбиты Ибрагим кусы машинæйы артаджы системæ ивæн специалистæй. Куыд зæгъы, афтæмæй транспорт газæй скъæрын шофырæн дзæвгарасламдæр уайы. Фæлæ йæ цæмæй раивой, уый тыххæй бахъудзæн 12 000 минæй - 40 000 мины онг. Сæйраг дæр у йæ хæрзхъæддзинад. Уæвгæ, цалдæр хуызы сты. Машинæ газæй куы куса, уæд дзы бирæ пайда уыдзæн. Зæгъæм, афтæ дзы артаг арæх кæнын нæ хъæуы, йæ хардз къаддæр у. Уый та шофыртæн уæлдай хорз у. Сæрдæн æрмæджытæ дæр моторы фылдæр фаг кæнынц. Уæдæ йæ адавын дæр нæ рауайдзæн. Фæлæ уыимæ, хæдтулгæйы хицауы техникон станцæмæ æрæхдæр цæуын хъæузæн. Уæвгæ та, газæй цыфæнды машинæ дæр цалдæр сахатмæ сифтонг кæнæн ис. Газы балон гыццыл бынат нæ ахсы. Йæ байдзаг кæнынæн 20 минутæй фылдæр бахъæуы. Домæнтæм гæсгæ газы балоны 20% хъуамæ уа афтид. Административон кодексмæ гæсгæ, та сын афæдз дыууæ хатты хъæуы техником æркаст кæнын. Фæлæ бирæтæ ууыл хъуыды дæр нæ кæнынц. Уæдæ сæ æнæ бардæттæг гæххæттытæй чи сифтонг кæны, уыдон дæр дзæвгар сты. Паддзахадон автоинспекцийы бæрæггæнæнтæм гæсгæ, афæдзмæ мин барадхæлды рабæрæг кодтой. Закъонхалджыты æфхæрынц административон кодексмæ гæсгæ. Фæткхалыны бæсты, шофырты хъæуы сæрмагонд бардæттæг гæххæттытæ скæнын. Æмæ сыл кæд бирæ рæстæг схардз кæнынц, уæддæр хъуамæ уой. Курдиатмæ æркæсдзысты мæймæ. Фыццаг уал хъæуы специалисты ссарын. Уый машинæмæ куы æркæса, уæд хъуамæ радта бæлвырдгæнæн гæххæт. Ахæссын æй хъæуы паддзахадон автоинспекцимæ. Уым æм æркæсдзысты æмæ дзы сæ къух æрæвæрдзысты. Стæй та ногæй станцæмæ. Газæй куы сифтонг кæной хæдтулгæ, уæд та фæстæмæ автоинспекцимæ, хицæн бардæттæг гæххæт райсынмæ. Хъалон бафидын дæр хъæудзæн - 800 сомы. Æппæт уыцы ратæх-батæхæн та 2 бонæй - мæй æмæ рдæг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv