Рæстдзинады фæндагыл

Цъыккаты Владимиры уголовон хъуыддаджы фæдыл радон æмбырд аргъæвтой. Азымджынтæй иуæн йæ адвокат кæй фæрынчын æмæ æмбырдмæ кæй не `рбацыд, уый тыххæй. Абон хъуамæ фарстаиккой æвдисæнты – дохтырты. Уыдон Цъыккаты Владимирæн ракодтой фыццаг æххуыс. Радон æмбырд уыдзæн 25 мартъийы 11 сахатыл. Цъыккаты бинонты адвокат куыд зæгъы, афтæмæй сæ бон æндæр ницы у, цалынмæ адвокат сдзæбæх уа, уымæ банхъæлмæ кæсынæй дарддæр. Уæ зæрдыл уын æрлæууын кæндзыстæм, ацы хъуыддагмæ гом хуызы кæй кæсныц. Сæ цæст æм дарынц куыд журналисттæ, афтæ хуымæтæг адæм дæр. Цъыккаты Земфирæ: «Октябырæй нырмæ цалдæр æмбырды сарæзтам. Уый раст нæу. Æз хъуыддагмæ кæсын æмæ йæ æмбарын, дæргъвæтин æй кæй кæнынц, уый. Уымæй уæлдай ма, æнæфсармæй. Цавæрдæр хъуыдымæ хъуамæ æрцæуæм. Радтæнт сын рæстæгмæ æппынфæстаг паддзахадон адвокаттæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv