Гергиты Валерийы номыл Дзæуджыхъæуы аивæдты колледжы ацыд музыкалон аргъауы премьерæ

Гергиты Валерийы номыл Дзæуджыхъæуы аивæдты колледжы сценæйыл ацыд музыкалон аргъау «Маленький принц»-ы премьерæ. Залы къух бакæнæн нæ уыд. Антуан де Сент-Экзюперийы уацмыс зындгонд у æппæт дунейы дæр. Йæ ныхæстæ та систы базырджын. Æмæ кæд литературон уацмыс «Маленький принц» чи нæ касти, ахæм адæймаг зын ссарæн у, уæд ын йæ музыкалон равæрд стæмтæ фехъуыстой. Авторы хъуыдытæ равдыста нырыккон раззагдæр композитортæй иу — Ефрем Подгайц. Йæ фыст музыкæйæ Дзæуджыхъæуы аивæдты колледжы национ инструментты оркестр аргъауы ныхæстæ баххæст кодта. Композиторæн, куыд загъта, афтæмæй сæйрагдæр уыд уацмысы мидис æмæ философи равдисын. Аргъауæй скъуыддзæгтæ Ефрем Подгайц кæсы йæхæдæг. Дирижёр — республикæйы культурæйы сгуыхт кусæг Лилия Колдышева. Оркестры аивадон разамонæг Абойты Хетæджы ныхæстæм гæсгæ, премьерæмæ сæхи цæттæ кодтой ӕнӕхъӕн афӕдз. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv