Хицауадон балц

Цæгат Ирыстоны хицауады сæрдар Тускъаты Таймураз бæрæг кæны республикæйы социалон нысаниуæг кæмæн ис, уыцы объектты арæзтадон куыстыты æххæстдзинад. Йæ балц райдыдта тарниз дзæбæхгæнæн диспансерæй. Цыбыр рæстæджы фæстæ байгом уыдзæн. Бынат дзы уыдзæн 97 адæймагæн. 10 корпусы арæзтадон куыстытæ кæронмæ фесты. Хъæугæ кусæнгæрзтæ æмæ æрмæджытæй йæ сифтонг кодтой. Тускъаты Таймураз ма бабæрæг кодта, Дзæуджыхъæуы цы сывæллæтты ног рæвдауæндон æмæ скъола арæзынц, уыдон. Æппæт объектты дæр бæрнон кусджытимæ æрныхас кæны, куыстытæ куыд æмæ рæстæгыл æххæстгонд цæуынц æви нæ, ууыл. Уый фæстæ хицауады сæрдар йæ фæндаг акодта, Тарскæйы æмæ Сунжæйы цы ног амбулаторитæ аразынц, уыдоныл. Хицауады сæрдар ма уыд Горæтгæрон районы дæр. Уым Дачнæйы хъæуы æмæ Ирыхъæуы иухуызон проектмæ гæсгæ аразынц ног рæвдауæндæттæ. Сæ руаджы сывæллæттæн се `ппæтæн дæр бынат фæзындзæн рæвдауæндæтты. Дарддæр хицауады уæнгтæ сæ фæндаг акодтой Архонкæйы спортивон комплексы арæзтадыл. Уымæй уæлдай ма федтой, Æрыдоны рынчындоны æмæ спортивон фæзы цалцæггæнæн куыстытæ куыд цæуынц, уый дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv