Гуманитарон æххуысимæ ног регионтæм нæ бæстæйы физкультурæйы ахуыргæнджытæй фыццаг ацыд цæгатирыстой

Гуманитарон æххуысимæ ног регионтæм нæ бæстæйы физкультурæйы ахуыргæнджытæй фыццаг ацыд цæгатирыстойнаг Туаты Азæмæт. "Иугонд Уæрæсейы æрыгон гварди"-йы проекты руаджы педагогтæ æмæ волонтертæ æмбырд кæнынц гуманитарон æххуыс. Абон Азæмæт сыздæхт республикæмæ æмæ фембæлд бархионтимæ. Дыууæ къуыри скъоладзаутæн арæзтой патриотон хъомылады уроктæ, иумæ æмбырд кодтой æххуыс æмæ йæ æрвыстой нæ æфсæддонтæн. Уымæй уæлдай, "Фыццæгты змæлды" федералон программæмæ гæсгæ зылдысты мысæн бынæттæм.