Кадджын уазджытæ

Уый размæ та уал Цæгат Ирыстоны сæргълæууæг Битарты Вячеслав фембæлд Сирийы Араббаг республикæйы минæвар Уæрæсейы Рияд ХаддАдимæ. Уый Хуссар Ирмæ паддзахадон балцы рæстæг иучысыл фæурæдта Дзæуджыхъæуы. Хуыцаубоны Цхинвалы арæзт æрцæудзысты бæрæгбоны мадзæлттæ республикæйы сæрибардзинады 10 азы фæдыл. Битарты Вячеслав фембæлды рæстæг бафиппайдта, Сиримæ хи хъуыды кæй ис дунеон политикон цауты тыххæй, уый йæ тыхджын паддзахæдты æмрæнхъ кæй æвæры. Уымæй уæлдай ма нæ республикæйы сæргълæууæг йæ зæрдæ дары, тагъд рæстæджы Сирийы сабырдзинад кæй æрфидар уыдзæн. Рияд Хаддад дæр загъта, Хуссар Ирыстон хæдбар бæстæйыл хуымæтæджы кæй нæ банымадтой. Куыд загъта, афтæмæй дарддæр дæр æмгуыстады бадзырды домæнтæ æххæст кæныныл архайдзысты. Уый хъуамæ суа фидар бындур бæстæты `хсæн фидæны ахастдзинæдтæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv