Цæгат Ирыстоны хицауад æмæ Уырыссаг географион æхсæнад баныхас кодтой æмгуыстадыл

Цæгат Ирыстоны хицауад æмæ Уырыссаг географион æхсæнад баныхас кодтой æмгуыстадыл. Æмбæлгæ бадзырд бафыстой республикæйы сæргълæууæг Сергей Меняйло æмæ æхсæнады фыццаг вице-президент Артур Чилингаров. Фембæлды архайдта регионы разамонæджы уынаффæгæнæг, ЦИПУ-йы ректор Огъуаты Алан. Æмгуыстады сæйраг хæс уыдзæн географи æмæ йæм хæстæг наукæты ахуырады æмвæзад фæуæлдæр кæнын. Дзуапп хъуамæ дæтта æппæтдунеон домæнтæн. Сергей Меняйло бахаста хъæппæрис Уырыссаг географион æхсæнады Цæгат Кавказы штаб-квартира Дзæуджыхъæуы ногæй саразыны тыххӕй. Республикæйы сæргълæууæг фæнысан кодта, фæсивæды кӕй хъӕуы экологи æмæ культурæмæ æмхиц кæнын, уый. Цæмæй сæ райгуырæн бæстæмæ куыдфæндыйы цæстæй ма кæсой. Йæ истори æмæ æрдзмæ. Бафтаудзыстæм ма уый, ӕмӕ Уырыссаг георгафион æхсæнад Цæгат Ирыстоны арæзт ӕрцыд 1972 азы мартъийы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv