Боксертæ сæ уæз сбарстой

Ныр та – райсомы сæйрагдæр хабæрттæй иу. Уæ зæрдыл уын лæууын кæнæм, 12 сентябры Дзæуджыхъæуы профессионалон боксы изæр кæй уыдзæн. Рингыл тохы бацæудзысты 18 спортсмены 7 алыхуызон уæзты. Ныртæккæ цы кадртæ уынут, уыдон исæм комкоммæ эфиры. Æвдисæм уын, боксертæ сæ уæз куыд барынц, уыцы фæтк. Уæ бон сæм у хи цæстæй бакæсын. Бафтаудзынæн ма уый, æмæ Дзæуджыхъæумæ ссыдысты Китайæ, Украинæйæ æмæ Иранæй богæлттæ. Алчидæр сæ райсом равдисдзæн йæ арæхстдзинад. Сæйраг тохы фембæлдзысты ирон боксер Челæхсаты Таир æмæ украинаг спортсмен Игорь Пилипенко. Ирон богæлтты сæйраг тренер Сланты Виталийы ныхæстæм гæсгæ, не мзæххонтæ сæ ныхмæлæуджытæм цæттæ сты. Спортивон цаумæ республикæйы цæрджытæ рагæй æнхъæлмæ кастысты, æмæ сæ уый сæ телевизорты экрантæм хъуамæ `рбалваса. Боксæй ерыстæ та фенæн уыдзæн нæ телеканалыл, комкоммæ эфиры. Æвдисын сæ радайдзыстæм райсом изæры авд сахатыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv