Цæгат Ирыстоны афæдзы кæронмæ банывыл кæндзысты 78 æхсæнадон бынаты

Цæгат Ирыстоны афæдзы кæронмæ банывыл кæндзысты 78 æхсæнадон бынаты. Республикæйы сæргълæууæг Битарты Вячеслав, хицауады сæрдары хæдивæг Фадзайты Æхсарбег, цæрæнуæтты коммуналон хæдзарад, артаг æмæ энергетикæйы министр Тамайты Майран видеоконференцийы хуызы архайдтой сæрмагонд æмбырды. Сæрдариуæг дзы кодта Уæрæсейы хицауады сæрдары хæдивæг Виталий Мутко. Æрдзырдтой «Жилье и городская среда», зæгъгæ, национ проекты тыххæй. Виталий Мутко куыд бафипайдта, афтæмæй сæрмагонд национ проекты паспортмæ гæсгæ ацы аз Уæрæсейы фæнд кæнынц 88 милуан квадратон метры цæрæнбынæттæ саразын. 2021-æм азмæ арæзтад фæуæлдæр кæндзысты 94 милуан квадратон метры онг. 2024-æм азмæ та 120 милуан квадратон метры онг. Цæгат Ирыстоны 2019 азы сарæзтой 214 мин квадратон метры. 9 мæйы æмгъуыдмæ эксплуатацимæ радтой 181 мин квадратон метры. Уый фаронимæ абаргæйæ у 12% фылдæр. «Формирование комфортной городской среды», зæгъгæ, федералон проекты агъоммæ 2019 азы базилдзысты 61 бирæуæладзыгон хæдзары кæртмæ æмæ 17 æхсæнадон бынатмæ. Уый тыххæй схардз кæндзысты 236 милуан сомы. Ныридæгæн 78 объектæй 61 -мæ базылдысты. Уыимæ ма районты дæр. Дзæуджыхъæуы сæйраг парчы рацарæзт фæуыдзæн ацы аз декабры. Республикæйы сæргълæууæг Битарты Вячеслав куыд бафиппайдта, афтæмæй федералон проекты фæлгæты 2024-æм азмæ фæнд кæнынц банывыл кæнын 157 æхсæнадон бынаты æмæ 632 хæдзары кæрты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv