РЦИ-Аланийы ахуырад æмæ наукæйы министрады иумæйаг ахуырады хайады хицауы бартæ рæстæгмæ æххæстгæнæг

Ахуыргæнæджы дæсныйады фыццаг къахдзæфтæ чи кæны, уыдонæн уыдзæн æнцондæр. Сæ фарсмæ æрбалæууыдысты фæлтæрдджын педагогтæ. «Наставничество», зæгъгæ, афтæ хуыйны «Ахуырады системæйæн ног кусджыты бацæттæ кæныны» регионалон проекты къæпхæн. Пилотон проекты архайынц 20 скъолайы. Йæ райрæзтыл кусынц республикæйы сæргълæууæг Битарты Вячеславы хъæппæрисæй. Афтæ Дзаботы Эвелинæ амоны йæ урок. Сывæллæттæ йæм лæмбынæгæй хъусынц. Уый англисаг æвзаджы ахуырты ахсджиаг у, уымæн æмæ ахуыргæнинæгтæ хъуамæ мыртæ раст дзурын сахуыр уой. Алы урок дæр ахуыргæнæджы фæлтæрддзинад бæрзонддæр кæны. Дзаботы Эвелинæ, англисаг æвзаджы ахуыргæнæг: «Мæ куыст бирæ уарзын. Скъоладзаутæ мæм лæмбынæг хъусынц. Цин фæкæнын сывæллæтты исты ногыл куы сахуыр кæнын, уæд. Мæ куыст кæд зын у, уæддæр ыл дæн æнувыд».  Цымыдисаг хæслæвæрдтæ, алы скъоладзаумæ дæр сæрмагонд цæстдард. Нырыккон ахуырады системæ æрыгон ахуыргæнджытæй домы куыстмæ уæлдай цымыдисдзинад. Æрыгон ахуыргæнджыты ныхæстæм гæсгæ, программæ "Наставничество" у ахадгæ æмæ пайда. Йæ сæйраг нысан фæлтæрджын ахуыргæнæгæй фылдæр зонындзинæдтæ базонын. Наталья Клюева, англисаг æвзаджы ахуыргæнæг: «Æрыгон ахуыргæнджытæ сæ кусыны фыццаг бынатмæ куы рбацæуынц, уæд сæ размæ сæвзæры бирæ зындзинæдтæ. Зæгъæм: урок саразыны пълан, кæнæ та сывæллæттимæ раст ахастдзинæдтæ саразыны фарста, кæнæ та ныййарджытимæ. Алцыдæр у ахсджиаг. Уый тыххæй та хъуамæ сæ фарсмæ уа фæлтæрджын æмæ йæ куыст чи зоны ахæм специалист». Наталья Клюева 20 азы кусы ахуыргæнæгæй. Ныр йæ фæлтæрддзинады сусæгдзинæдтæ не вгъау кæны Дзаботы Эвелинæйæн. Иумæ сæхи цæттæ кæнынц уроччытæм, сæ фæстæ та сæ куыстæн саразынц хатдзæгтæ æмæ сæхи бацæттæ кæнынц райсомы уроччытæм. Эвелинæ хынцы хистæры алы ныхас. Дзаботы Эвелинæ, англисаг æвзаджы ахуыргæнæг: «Мæ хистæр у тынг бирæвæрсыг адæймаг. Мæ куысты мидæг бирæ цыдæртæ базыдтон уымæй. Йæ куысты алцыдæр цæуы фæд-фæдыл. Раст æмбарын кæны алцыдæр. Алчидæр æй мбары. Уый та у сæйрагдæр». Ахæм системæйы райрæзтыл бакуыста нæ республикæйы ахуырад æмæ наукæйы министрад. Сарæзтой программæтæ, методикон æрмæджытæ. Архайынц нæ республикæйы 20 скъолайы. Гæджынты Аланæ, РЦИ-Аланийы ахуырад æмæ наукæйы министрады иумæйаг ахуырады хайады хицауы бартæ рæстгмæ æххæстгæнæг: «Ахæм программæйы сæйрагдæр у , цæмæй æрыгæттæ ахуыргæнæдæтты сæхи хорз æнкъарой, ома сыл фæхæцæг куыд уа, афтæ. Уымæн та сын хистæр ахуыргæнджытæ сты хорз ахъаз. Ахæм практикæ кæй ис, уый хорзырдæм фæзындзæн сæ куыстыл дæр». «Наставничество» программæйы ис 3 къæпхæны. Адаптацион кæй хонынц, уый сæрты ахызтысты. Ныридæгæн у практикæйы къæпхæн. Ацы азы кæрон та сæм æнхъæлмæ кæсдзæн кæронбæттæн. Æрыгон ахуыргæнджытæ бæрæг кæндзысты цы сын бантыст сæ куысты, уый. Цæттæ сты сæ дæсныйады уæрæхдæр кæнынмæ. Кусынц, архайынц, уый та уый нысан у æмæ ма сæ къухты бафтдзæн бирæ ногдзинæдтæ. Пелиты Сабинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv