Цæгат Ирыстоны «Агреппинæ»

Уацмысæн цæмæй йæ мидис хуыздæр бамбарай, дæ зæрдæйы фылдæр æнкъарæнтæ фæзына, уый тыххæй йæм бирæтæ цалдæр хатты бакæсынц. Чидæрта та йæ фыццаг хатт сценæйы фенынц, æмæ сæ зæрдæты ныууадзы арф фæд. 2012 азы фестиваль «Уазæгуаты Гергиты Ларисамæ» куы цыдис, уæд республикæйы аивадуарзджытæн равдыстой оперæ «Агриппинæ». Цæгат Ирыстоны Уырыссаг академион æмæ Мариинаг театры артисттæ бацæттæ кодтой æмæ адæмы размæ рахастой иумæйаг спектакль. Куыд рауад æмæ цæмæй цымыдисаг у, уый федта не сфæлдыстадон къорд дæр. Италиаг æвзагыл ари. Актертыл – ромаг паддзахады рæстæджы уæлæдарæс. Рæсугъд декорацитæ. Æппæт уыцы диссæгтæ фенæн ис нæ республикæйы оперæ æмæ балеты национ театры. Сценæйыл паддзахиуæг кæны «Агриппина». Мариинаг æмæ уырыссаг театры артисттæ сæвæрдтой драмон оперæ. Залы къах бавæрæн нæй. Спекталь æрбангом кодта куыд театруарзджыты, афтæ театрмæ стæм хатт чи æрбацæуы, уыдоны. Агриппинæ – у ромаг паддзах Клавдийы бинойнаг. Куы базыдта йæ сæры хицау фæмард, уæд æй бафæндыд цæмæй паддзахады сæргъы æрлæууа йæ фырт Нерон. Истори чи уарзы, уыдон йæ зонынц Нерон Клавдийæн йæхи фырт кæй нæ уыд, уый. Агриппинæ дыккаг хатт уыд чындзыцыд. Паддзахы цардæмбалы фæлгонц ирдæй равдыста Цæгат Ирыстоны адæмон артисткæ Наталья Серегинæ. Æхсызгон у, æмæ Мариинаг тетры артистты фылдæр хай, сæ фыццаг къахдзæфтæ Дзæуджыхъæуы сценæйыл акодтой. «Абон сценæмæ фыццаг хатт рацыдтæн. Спектаклы хъазын Дианæйы ролы. Ацы спектаклы баиу сты драмон аивад æмæ вокал дæр. Уый мæм диссаг æмæ тынг æхсызгон кæсы. Мæнмæ гæсгæ, уый ууыл дзурæг у æмæ спектакль канд актертæ нæ архайынц, фæлæ ма зарæггæнджытæ дæр. Костюмтæ дæр æмæ декорацитæ дæр мæ зæрдæмæ тынг цæуынц. Дзæуджыхъæуы театрдзаутæ мæ зæрдæмæ тынг фæцыдысты», – артисткæ Гульнара Шафигуллина загъта. Немыцаг композитор Георг Генделы фыст оперæ «Агриппинæ» ирон сценæйыл 2012 азы азæлыд. Уæд æй нæ театруазджытæ фыццаг хатт фестиваль «Гергиты Ларисæмæ уазæгуаты»-йы федтой. Сæ зæрдæмæ тынг фæцыд æмæ бæллыдысты ногæй йæм бакæсынмæ. Куыд зæгъынц, афтæмæй сæ уырны артисттæ та сæ ног спектакльтæй сæ барæвдаудзысты. Мариинаг театр та хуыздæрырдæм фæзындзæн республикæйы культурон цардыл. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv