Цæгат Ирыстоны дондзæуæн хæтæлтæ сног кæнынæн хъæуы 10 млрд сомæй фылдæр

Цæгат Ирыстоны дондзæуæн хæтæлтæ сног кæнынæн хъæуы 10 млрд сомæй фылдæр. Уый тыххæй Битарты Вячеславæн фехъусын кодта республикæйы цæрæнуæтты-коммуналон хæдзарады министр Тамайты Майрæн. Министры ныхæстæм гæсгæ Уæрæсейы цæрæнуæтты-коммуналон хæдзарадимæ ныртæккæ куыст цæуы, цæмæй нæ республикæйæн фылдæр æхцайы фæрæзтæ радих кæной. Министрады ма аразынц Алагиры, Дигорайы, Тарскийы æмæ Змейкæйы дондзæуæн хæтæлты проектон-сметон документацитæ. Уымæй уæлдай маТамайты Майрæн республикæйы сæргълæууæгæн радзырдта, зымæджы афонмæ цæттæгæнæн куыстытæ Цæгат Ирыстоны кæй цæуынц пъланмæ гæсгæ. Æппæт хъæугæ мадзæлттæ конд цæуынц коммуналон æмæ фæстауæрцгæнæн компаниты бюджеттæй. Ахсджиаг фарста – дæрддзæф хъæутæм æрдзон газ бауадзын. Ныртæккæ газуадзæн хæтæлтæ уадзын райдыдтой Ахсау, Мæцутæ, Дæллаг Ларс, Зæдæлеск æмæ Архонкæмæ. Уæлдай æргом хъусдард цæуы Битарты Вячеславы ‘рздыгæй нуазæн доны сыгъдæгдзинадмæ. Бæрнон адæм сæрмагондæй æрдзырдтой регионалон проект «Чистая вода» æмæ националон проект «Экология»-йы тыххæй. Уыцы проектты куысты фæрцы нуазæн доны хæрзхъæддзинад 2024 азмæ хъуамæ фæхуыздæр уа 99% онг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv