Туризмы райрӕзты республикон фонд скусын кодта ног интерактивон маршрут

Дзӕуджыхъӕуы рагон бæстыхæйтты историимӕ базонгӕ уӕвӕн ныр ис аудиогидимӕ тезгъойы рӕстӕг. Туризмы райрӕзты республикон фонд скусын кодта ног интерактивон маршрут "Проспекты Хъӕлӕс". Хаст æм æрцыд 24 архитектурон ӕмӕ историон объекты. Алкӕмӕн дӕр — йӕхи истори, бæлвырддзинæдтæ ӕмӕ цаутӕ, зонгӕ бæстыхæйттæм ног хуызы ӕркӕсынӕн чи феххуыс уыдзӕн, ахӕмтӕ. Экскурси райдайын амонынц Штыбы фӕзӕй. Сӕвӕрдтой дзы информацион фæйнæг QR-кодимӕ. Телефон æм хæстæг куы бакӕнай, уӕд рахизӕн ис туристон портал "Открой Осетию"-мӕ, къамтӕ фенын ӕмӕ аудиогид скусын кӕнын. Уæлæфтуан у лӕвар ӕмӕ ӕнцонвадат. Дарддӕр фӕнд кӕнынц маршрут фӕуӕрӕхдӕр кӕнын ӕмӕ ног экскурситӕ ныффыссын.