Цæгат Ирыстоны аразынц æппæт хъæугæ мадзæлттæ коронавирусы ныхмæ

Иу суткæмæ Уæрæсейы раиртæстой 132 ног рынчыны коронавирусæй. Уый хыгъд сæ нымæц ныртæккæ у 438 адæймаджы. Цæгат Ирыстоны коронавирусæй рынчынтæ ныртæккæ нæй. Республикæйы æнæниздзинад хъахъхъæныны министрады бæрæггæнæнтæм гæсгæ Цæгат Ирыстоны ныртæккæ барвæндонæй æхсæнадæй сæхи фæиппæрд кодтой æмæ сæ хæдзæртты бадынц 176 адæймаджы. Паддзахадон арæны сæрты чи хизы, уыдонæн се ’ппæтæн дæр сбæрæг кæнынц сæ тæвд. Уый тыххæй хъусын кæны республикæйы фæлхасгæнджытæм цæстдарды управлени. Кæд бинонты тыххæй дзурæм, уæд хъуамæ уыдон дæр сæ æнæниздзинад бахъахъхъæной. Уæ зæрдыл ма уын æрлæууын кæндзынæн, цæмæй бирæ адæм кæм сæмбырд вæййы, ахæм æхсæнадон бынæттæм ма цæуой, ахæм бынæтты вирус бауадзынæн вæййы тæссагдæр". Уæ зæрдыл уын æрлæууын кæндзыстæм, 18-æй 28-æм мартъимæ скъолатæ ацыдысты æрвылазон каникулты. Уæлæмхасæн ахуырад æмæ республикæйы уæлдæр ахуыргæнæндæттæ кусынц фæсаууонмæ, ома ахуыр кæнынц дистанцион хуызы. Фæллой æмæ социалон рæзты министрады стационарон уагдæттæ æхгæд æрцыдысты карантины. Специалисттæ ма иу хатт сидынц адæммæ, цæмæй бирæгæйттæй ма æмбырд кæной. Сæрмагонд мадзæлттæ ныртæккæ æххæст кæнынц алы ран дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv