Абон йæ 70 азы юбилей сбæрæг кодта Советон Цæдисы æмæ Уæрæсейы инæлар Суанты Станислав

Ирыстоны номдзыд нæлгоймаг кад æмæ радимæ абон дæр хæссы ирон лæджы ном. 1992 азы лæгæвзарæны рæстæг куы скодта, уæд, адæймагдзинады хуыздæр миниуджытæй æххæст, афицерæн куыд æмбæлд, афтæ Суанты Станислав хæдхæцæг къордты раззагдæртимæ æрлæууыд фыдæлты зæхх экстремисттæй бахъахъхъæнынмæ. Растдæр зæгъгæйæ та, барвæндонæй йæ райгуырæн зæхх чи хъахъхъæдта, уыдоны сæргъы æрлæууыд. Станиславыл нæ республикæйы Хицауад баууæндыд æмæ йын бахæс кодта ахсджиаг хъуыддаг: уыцы рæстæг республикæйы фыццаг хатт цы æфсæддон Гварди сарæзтой, уымæн разамынд дæттын. Гвардийы сæйраг нысан уыд, Горæтгæрон районы центр, Октябрыхъæу æмæ хæстæгдæр хъæутæм гæрзифтонгæй цы экстремисттæ æрбабырстой, уыдонæй ссæрибар кæнын. 2000-æм азы райдианæй, 2001-æм азы, ноябры онг Суанты Станислав куыста Уæрæсейы æрдзон фæстиуджытæ иуварс кæныны министры хæдивæгæй. Уæрæсейы президенты бадзырдмæ гæсгæ 23 февралы, 2001 -æм азы Суанты Станиславæн радтой инæлары цин. Хорзæхджынгонд æрцыд бирæ паддзахадон хæрзиуджытæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv