Центрон Æвзарæн Къамис сарæзта велосипедтыл дугъ

Цæгат Ирыстоны центрон æвзарæн къамис фæнд кæны тæгъд цы æвзæрстытæ уыдзæн нæ республикæйы, уыдонмæ адæмы*ргом аздахын. Уый тыххæй æрхъуыды кодтой алы хуызон сæрмагонд мадзæлттæ. Сæ иу ацыд абон Дзæуджыхъæуы. Акцийы фæлгæты сарæзтой велосипедтыл дугъ. Архайдтой дзы 20 политикон партитæй фылдæр. Уыимæ ма, фæсивæдон æвзарæн къамисы минæвæрттæ дæр. Акцийæн снысан кодтой сæргонд «Ма за здоровое будущее», зæгъгæ. Велосипедтыл дугъæй уæлдай ма, акцийы архайджытæ сæххæст кодтой «Фæллой æмæ хъахъхъæнынадмæ цæттæдзинад»-ы домæнтæ. Ерысты чи фæуæлахиз, уыдонæн радтой зæрдылдарæн лæвæрттæ æмæ призтæ. Бафтаудзыстæм ма уый æмæ хъæлæс кæныны иумæйаг бон Цæгат Ирыстоны уыдзæн 8-æм сентябыры. Республикæйы цæрджытæ æвзардзысты минæвæртты Дзæуджыхъæуы æмбырдмæ. Æвзарæн бонмæ кæй цæттæ кæнæм, уый тыххæй центрон æвзарæн къамис. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv