Нырыккон технологитимæ æмдзу

Цæгат Кавказы 3 регионы цы бирæвæрсыг центртæ ис, уыдон райдайдзысты электрон хуызы фиддонты системæйы кусын. Проект æххæстгонд æрцæудзæн 2019-æм азы кæронмæ. Фиддонтæ хæссыны ног системæ фæзындзæн Цæгат Ирыстоны, Кæсæг-Балхъары æмæ Стъараполы крайы. Финансон лæггæдты центртæ æмгуыст кæнынц Уæрæсейы постимæ. Уый тыххæй фехъусын кодта Уæрæсейы Хуссар Банчы разамонæджы хæдивæг Александр Гостев. Иртасæн гæххæтт, кадастрон паспорт, исбонадæн гæххæттытæ, суанг ма къæйттæ фидаргæнæн акттæ дæр – æдæппæтæй 60 операцийæ æмæ паддзахадон лæггадæй фылдæр райсæн ис иу ран. Ныр та ма электрон хуызы дæр, уыимæ сæ нымæц дарддæр дæр рæздзæн. Уæ зæрдыл ма уын æрлæууын кæндзыстæм, æмткæй райсгæйæ, ивгъуыд азы æгас бæстæйы регионты бирæвæрсыг центрты рейтинджы нæ республикæйы уæттæ сæ куыстмæ гæсгæ сты фыццæгты `хсæн. Цæгат Ирыстоны бирæвæрсыг центрты кусджытæ 250 мин хатты лæггад бакодтой адæмæн. Уыдонæй сæ 90%-æй фылдæр разыйæ баззадысты лæггæдты хæрзхъæддзинадæй. Раздæры лæггæдтæй ныр 32 скæнæн ис электрон хуызы. Сæ нымæц та дарддæр дæр рæздзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv