Хъæуты спортивон залтæ сцалцæг кæндзысты

2019 азы Цæгат Ирыстоны 6 хъæуы сцалцæг кæндзысты спортивон залтæ. Уый руаджы хъæуты цæрæг фæсивæдæн фадат фæзындзæн æнæниз царды уаг парахат кæнын. Уымæй уæлдай ма спорты алы хуызты хи бафæлварын. Арæзтадон куыстытæн федералон бюджетæй радих кодтой 19милуан æмæ 914 мин сомы. Программæйы райрæзт къухы бафтыд «Образование», зæгъгæ национ проекты руаджы. Ацы аз нырыккон домæнтæн дзуапп чи дæтты ахæм спортивон залтæ фæзындзæн Суадаг, Брут, Лескъен, Предгорный, Кардзын æмæ Притеречныйы поселоччы. Спортивон залты уроччыты фæстæ канд ахуырдзаутæ нæ архайдзысты фæлæ ма ахæм фадат уыдзæн хъæуы фæсивæдæн дæр. 6 спортивон залы дæр заууатмæ æрцыдысты. Зæгъæм Лескъены спортивон зал 1977 азæй нырмæ цалцæггонд нæ уыд. Проекты фæлгæты спортивон залты сног кæндзысты сæ сæртæ, ногæй баивдзысты электронтых дæттæн æмæ хъармгæнæн системæтæ, рудзгуытæ, дуæрттæ. Уымæй уæлдай ма сæ сифтонг кæндзысты нырыккон домæнтæн дзуапп чи дæтты, ахæм кусæнгæрзтæй. Бафтаудзыстæм ма уый «Развитие образования», зæгъгæ падзахадон программæйы фæлгæты спортивон инвентарь æмæ хъæугæ кусæнгæрзтæ балхæдтой 30 хъæуы спортивон залæн. Æдæппæтæй сыл бахардз кодтой 114 милуан æмæ 820 мин сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv