Ног партæтæ, кусæнгарз æмæ хæрæндæттæ. Национ проект «Ахуырад»-ы фæлгæты цалцæг кæнынц 20 скъолайæ фылдæр. Ацы аз куыстытæ хъуамæ афойнадыл баххæст кæной. Ног ахуыры азы райдианмæ ам уыцы-иу рæстæг архайынц специалистты 6 бригады. Сæ куыст хъуамæ фæуой бæлвырд æмгъуыдæй раздæр. Ныридæгæн сын бирæ бантыст. Дыккаг уæладзыджы рудзгуытæ баивтой, къултæ байсæрстой, сæвæрдтой зынгсирвæзты ныхмæ сигнализаци, ног хъармдæттæн системæ, ауагътой электрон тыхы телтæ. Ныртæккæ кусынц фыццаг уæладзыджы, уыимæ ивынц бæстыхайы сæр. Ай та у Фарныхъæуы скъола. Ам алцыдæр конд цæуы бæлвырд фæткмæ гæсгæ. Къæридорты сæвæрдзысты, бырынцъаг чи нæ уыдзæн, ахæм плиткæ, кабинетты та ламинат. Сифтонг сæ кæндзысты æппæт хъæугæ дзауматæй æмæ кусæнгарзæй. Се 'хсæн ноутбуктæ æмæ интерактивон фæйнæджытæ. Химийы урокты иртасæн куыст сывæллæттæ кæндзысты сæрмагонд партæты уæлхъус. Уыдзæн дзы раковинæтæ æмæ æмæ канд уыдон нæ. Скъолайы ма йæ хуыз скалдзæн актон зал æмæ «Точка роста» ахуырадон центр. 50 азмæ фыццаг хатт бындуронæй цалцæггонд цæуы Балтайы скъола. Уавæртæ ам сæ хæрзтæй не сты. Зæгъæм, кæцыдæр хъæугæ уæттæ уыдысты бæстыхайы æддейы. Хæрæндоны фæзындзæн ног кусæнгарз. Æдæппæтæй республикæйы ацы аз базилдзысты 22 скъоламæ. Нацпроект «Ахуырад»-ы фæлгæты 20 бæстыхайы ныридæгæн куыст цæуы. Уымæн рахай кодтой 800 млн сомы. Ӕппӕт куыстытæ дӕр фæткæй нæ иппæрд кæнынц. Сæ хæрзхъæддзинадмæ кæсынц специалисттæ æмæ регионы разамынд.