Цæгат Ирыстоны дарддæр проекттæ æххæст кæнынц инфраструктурон кредитты æххуысæй

Инфраструктурон бюджетон кредиттæй куыд пайда кæнынц республикæйы? Ацы фарстайы фæдыл æмбырд ацыд премьер-министр Дзанайты Барисы разамындæй. Æххуысы фæрцы æххæстгонд цæуынц 4 проекты 811 млн сомæн: коммерцион арæзтады цӕрӕн инфраструктурæ, йæ хыгъды фысымуатон инфраструктурæ Дзæуджыхъæуы, стæй комплекс "Аква-Сити" æмæ бирæвæрсыг туристон-рекреацион комплекс "Къæхтысæр". Уымæй уæлдай, аразынц фæндæгтæ, аив æмæ цалцæг кæнынц Терчы былгæрон æмæ фистæгæй цæуæн хид.