Цæгат Ирыстонмæ Новосибирскы облæстæй ссæудзæн агурæн къорд «Кондор»

Цæгат Ирыстонмæ Новосибирскы облæстæй ссæудзæн агурæн къорд «Кондор».  Фæсивæды хъуыддæгты фæдыл хайады разамонæг Евгений Шмидт куыд радзырдта, афтæмæй архайджытæ ссæудзысты 4 адæймагæй. «Кондор»-ы къамандыгæнæг Алексей Батенев æмæ æртæ минæвары. Цæгат Ирыстоны архайдзысты сгарæн-агурæн мадзæлтты. Уыимæ ма мемориалон комплекс «Барбашовы фæз»-ы дыккаг хайы гомгæнæн мадзæлтты. Агурæн къорд «Кондор» фæзынд 2003-æм азы, Бердскы. Æрвылаз июлы мæй саразынц мысæн вахтæ Тверы облæсты. Мадзал ахæссы иу мæй. Уымæй уæлдай ма мысæн вахтæ 2005-æм азы сарæзтой Великий Новгороды. 2018-æм азы та Бердскы ацыд гом урок. Снысан æй кодтой Петр Барбашовæн. Бердск æмæ Цæгат Ирыстоны `хсæн сæвзæрд хæлардзинады бастдзинад. Ныр уым цæрæг фæсивæд ссæудзысты, Петр Барбашовы хъæбатырдзинад кæм хъуыды кæнынц æмæ нымайынц, уырдæм. Уæ зæрдыл уын æрлæууын кæндзыстæм, Пётр Барбашов райгуырд Новосибирскы облæсты. 1939 азы йæм фæсидтысты æфсадмæ. Историйы цы хъæбатырдзинад баззад, уый Петр Барбашов сарæзта 9-æм ноябры 1942 азы. Уæд Джызæлмæ `ввахс знаджы сæтгæйæ сыбыраг лæппу йæ риуæй сæхгæдта знаджы ДЗОТ. Афтæмæй, йе ’мхæстонты мæлæтæй бахъахъхъæдта. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv