Автоэкспедици

Хи цæстæй фенын æмæ дисы бацæуын. Журналистты æмæ бæлццæтты къорд Пензæйæ ссыд Цæгат Ирыстонмæ. Сæ балцы сæйраг нысан у Уæрæсейы ахсджиагдæр, историон æмæ географион нысаниуæг кæмæн ис уыцы объекттæ бабæрæг кæнын. Сæ балц схуыдтой «25 рекордных мест России». Балцæн ис иу æфтауæн «ÆППÆТЫ». Уæрæсейы æппæты ныллæгдæр бынат, æппæты хуссайрагдæр горæт, æппæты цæхджындæр цад, æппæты бæрзонддæр æфцæг, æмæ æппæты даргъдæр тъунел. Бæлццæттæ Пензæйæ рараст сты 28 апрелы, сæ экспедици ахæсдзæн Уæлахизы бонмæ. Се нкъарæнтæ æмæ сæ къамтæ равæрынц социалон хызæгты. Автоэкспедицийы уæнгтæ ныридæгæн бабæрæг кодтой Волжск, Волгоград, Хъалмыхъы республикæ, Хъæрæсе-Черкеси æмæ Кæсæг-Балхъары республикæтæ. Автоэкспедици аразæг Денис Симонов: «Алы бон дæр социалон хызæгты комкоммæ эфирмæ рацæуæм. Ис нын нæхи хэштег #ладарекорд, фенæн дзы ис нæ фæндаг. Уыимæ алы горæты исæм цыбыр сюжеттæ. Хæдзармæ куы ссæуæм, уæд уыцы скъуыддзæгтæй скæндзыстæм дыууæ стыр документалон кинонывы. Уæдæ къамтæ дæр бирæ фæистам». Автоэкспедицийы архайæг Ирина Симонова: «Ныр æмбарæм, нæ бæстæ куыд алыхуызон æмæ куыд алывæрсыг у, уый. Хъалмыхъхъы дæр уыдыстæм, федтам дзы буддисты стыр кувæндон. Дисы нæ бафтыдта. Æрцыдыстæм Цæгат Ирыстонмæ æмæ уазæгуарзаг кæй стут, уый дызæрдыккаг нал у. Æрмæст бынæттæ нæ фæлæ ма адæм æмæ æгъдæуттæ дæр алыхуызон ахорæнтæй хъæздыг сты». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv